قازاقستاندىقتار ۇيدەن شىقپاي-اق ۋاقىتشا تىركەۋگە تۇرا الادى - داۋرەن ابايەۆ

استانا. قازاقپارات - ۇكىمەتتىڭ بۇگىنگى وتىرىسىندا ق ر اقپارات جانە كوممۋنيكاتسيالار ءمينيسترى داۋرەن ابايەۆ جاقىن جاقىن ارادا قازاقستاندىقتاردىڭ ۋاقىتشا تىركەۋدى ونلاين رەجيمدە ىسكە اسىرا الاتىنىن جەتكىزدى، دەپ حابارلايدى قازاقپارات ءتىلشىسى.
None
None

قازىرگى كەزدە ونلاين رەجيمدە تەك تۇراقتى تىركەۋ قىزمەتى عانا جۇمىس ىستەيدى. ەندى، ءبىر ايدىڭ ىشىندە وعان ۋاقىتشا تىركەلۋ قىزمەتى دە قوسىلادى. «قازىرگى كەزدە ىشكى لوگيستيكا ماسەلەلەرى رەتتەلىپ جاتىر. نەگىزگى ماقسات - حالىققا قىزمەت كورسەتۋ ورتالىقتارىنداعى كەزەكتەردى ازايتۋ. ول ءۇشىن دەرەكتەر بازالارىن ءوزارا كىرىكتىرۋ كەرەك. سودان كەيىن ۋاقىتشا تىركەۋدى ونلاين رەجيمدە ىسكە قوسۋعا بولادى. وعان ۇلتتىق اقپاراتتىق تەحنولوگيالار ورتالىعى مەن ىشكى ىستەر مينيسترلىگى جاۋاپتى. ءبىر ايدان از ۋاقىتتا اتالعان قىزمەت ەنگىزىلەدى»، - دەدى د. ابايەۆ.

ال «ازاماتتارعا ارنالعان ۇكىمەتتىڭ» باسقارما ءتوراعاسى دانيار ەرەنچينوۆتىڭ ايتۋىنشا، بۇگىندە حالىققا قىزمەت كورسەتۋ ورتالىقتارىندا ۋاقىتشا تىركەۋ بويىنشا جۇمىس ىستەيتىن مامانداردىڭ سانى كوبەيدى. سونداي-اق جۇمىس كەستەسى تاڭعى ساعات 8:00 دەن كەشكى 20:00 گە دەيىن ۇزارتىلدى.

اۆتور: ارمان اسقاروۆ

سوڭعى جاڭالىقتار