قازاقستان پرەزيدەنتى ءابۋ-دابيگە بارادى

استانا. قازاقپارات - قازاقستان پرەزيدەنتى نۇرسۇلتان نازاربايەۆ ءابۋ-دابيدە وتەتىن بولاشاق ەنەرگەتيكاسى بۇكىل الەمدىك سامميتىندە استانا ەكسپو 2017 ءنى تانىستىراتىن دەلەگاتسياعا جەتەكشىلىك ەتەدى، دەپ حابارلايدى Menafn.com.

مەملەكەت باسشىسى نۇرسۇلتان نازاربايەۆ 2017-جىلدىڭ 16- قاڭتار كۇنى ءتورت كۇندىك سامميتتىڭ اشىلۋى بارىسىندا استانا ەكسپو-2017 پاۆيلونىن رەسمي تۇردە ۇسىنادى. قازاقستاندىق دەلەگاتسيانىڭ قۇرامىندا «استانا ەكسپو-2017» ۇلتتىق كومپانياسىنىڭ ءتوراعاسى احمەتجان ەسىموۆ پەن ەكسپو-2017 كوميسسارى ءراپىل جوشىبايەۆ بار.

2017-جىلى استانادا وتەتىن ەكسپو- نىڭ وكىلدەرى 18 -قاڭتار - WFES سامميتىنىڭ ءۇشىنشى كۇنى تالقىلاۋعا قوسىلادى.

نازاربايەۆ پەن ەسىموۆ فورۋمدا ەلدىڭ تۇراقتى ەنەرگەتيكاسى بويىنشا وزەكتى جوبالار ۇسىنادى دەپ كۇتىلۋدە.

ەسكە سالا كەتەيىك، استانادا وتەتىن EXPO-2017 حالىقارالىق مامانداندىرىلعان كورمەسى قازاقستاننىڭ ماڭىزدى جوبالارىنىڭ ءبىرى سانالادى. ەلدەگى ءىرى كولەمدەگى ءىس-شارانى ۇيىمداستىرۋ تۋرالى باستاما مەملەكەت باسشىسىنا تيەسىلى.