15:36, 01 - قاڭتار 2017 | GMT +5
ق ر سىرتقى ىستەر مينيسترلىگى ىستانبۇلداعى تەرروريستىك اكتىگە بايلانىستى مالىمدەمە جاسادى
استانا. قازاقپارات - قازاقستان رەسپۋبليكاسى سىرتقى ىستەر مينيسترلىگى ىستانبۇل قالاسىنداعى (تۇركيا رەسپۋبليكاسى) تەرروريستىك اكتىگە بايلانىستى مالىمدەمە جاسادى.
«2017-جىلدىڭ 1- قاڭتارىندا ىستانبۇل قالاسىندا ونداعان ادامداردىڭ قازاسىنا سەبەپ بولعان تەرروريستىك اكتىنى قاتاڭ تۇردە ايىپتايمىز. وسى قاتىگەز قىلمىس ارقىلى تەرروريزمنىڭ كەزەكتى ارەكەتىنىڭ كۋاسى بولىپ وتىرمىز، دەگەنىمەن ونىڭ ۇيىمداستىرۋشىلارى مەن دەمەۋشىلەرى مىندەتتى تۇردە انىقتالىپ، ءتيىستى جازاعا تارتىلاتىندارىنا سەنىمدىمىز»، - دەلىنگەن ق ر س ءى م مالىمدەمەسىندە.
قازاقستاننىڭ سىرتقى ساياسي ۆەدوموستۆوسى قازا بولعانداردىڭ وتباسىلارىنىڭ قايعىلارىنا ورتاقتاسا وتىرىپ جاراقات العاندارعا تەزىرەك جازىلۋلارىن، ال باۋىرلاس تۇركيانىڭ بيلىگىنە جانە حالقىنا تەرروريزممەن كۇرەستە كۇش-جىگەر، شىدامدىلىق پەن تاباندىلىق تىلەيدى.
