ەرلان ىدىرىسوۆ قازاقستاننىڭ ۇلى بريتانياداعى ەلشىسى قىزمەتىنە تاعايىندالدى
اقوردانىڭ باسپا ءسوز قىزمەتىنىڭ حابارلاۋىنشا، كەزدەسۋ بارىسىندا پرەزيدەنت جاڭا سىرتقى ىستەر ءمينيسترى ق. ءابدىراحمانوۆتى تانىستىردى. وسى رەتتە مەملەكەت باسشىسى ە. ىدىرىسوۆتىڭ قازاقستان رەسپۋبليكاسىنىڭ ۇلى بريتانياداعى ەلشىسى قىزمەتىنە تاعايىندالعاندىعىن جەتكىزىپ، وعان مينيستر رەتىندە اتقارعان قىزمەتى ءۇشىن العىسىن ءبىلدىردى.
نۇرسۇلتان نازاربايەۆ داعدارىس كەزەڭى مەن جاھاندىق جاعدايدىڭ وزگەرۋى تۇسىندا س ءى م- نىڭ الدىندا جاڭاشا كوزقاراستى قاجەت ەتەتىن كوپتەگەن جاڭا مىندەتتەردىڭ تۇرعاندىعىن اتاپ ءوتتى. «1 -قاڭتاردان باستاپ-اق قازاقستان ب ۇ ۇ- نىڭ قاۋىپسىزدىك كەڭەسىنىڭ جۇمىسىنا كىرىسەدى. ەلىمىزدىڭ اتالمىش قۇرىلىمعا تۇراقتى ەمەس مۇشە بولۋى - الەمدىك قوعامداستىق وكىلدەرىنىڭ ءبىزدىڭ مەملەكەتىمىزگە دەگەن قۇرمەتىنىڭ بەلگىسى. بۇل - قازاقستاننىڭ يادرولىق قارۋسىز الەم مەن حالىقارالىق دەڭگەيدەگى وزگە دە ماسەلەلەر بويىنشا جاھاندىق كوشباسشىلىعىن قامتاماسىز ەتۋدى تالاپ ەتەتىن ماڭىزدى مىندەت»، - دەپ اتاپ ءوتتى مەملەكەت باسشىسى. پرەزيدەنت سونىمەن قاتار ەلىمىزدىڭ قاڭتار ايىندا بۇكىل الەمدىك 28- ۋنيۆەرسيادانى قابىلدايتىندىعىن ايتتى. وعان كوپتەگەن ەلدەردىڭ وكىلدەرى قاتىسادى.
