ەلباسىمەن «مەيىرىمدىلىك» قورىنىڭ بالالارى نە جايىندا سويلەستى؟
قايىرىمدىلىق كەشىندە مەملەكەت باسشىسىمەن بىرگە سۋرەتكە تۇسكەن بۇلدىرشىندەر قاجەتتى وتالار جاسالىپ جارىق دۇنيەنىڭ قىزىعىن ۇزاق كورۋگە مۇمكىندىك الىپ وتىر. نۇرسۇلتان نازاربايەۆ قايىرىمدىلىق قورىنا قارجى باعىتتاپ جەدەل تۇردە وتاعا مۇقتاج 29 بالانىڭ ءومىرىن ساقتاپ قالدى.
ەسكە سالا كەتسەك، بۇل 2015-جىلى بولعان ەدى. ەلباسى نۇرسۇلتان نازاربايەۆ «جىبەك جولى» بەيبىتشىلىك سىيلىعىنىڭ قاراجاتىن «مەيىرىمدىلىك» ەرىكتى قوعامى» قورى مەن مەملەكەتتىك ءتىلدى دامىتۋ قورىنا (ءارقايسىسىنا 300 مىڭ دوللاردان) ءبولىپ بەردى. اۋىر سىرقاتتى جەڭگەن بالالار ۋاقىت وتكەن سوڭ پرەزيدەنتكە جەكە ءوز اتتارىنان جانە اتالمىش قاراجات دەنساۋلىعىن وڭالتۋعا سەپتىگى تيگەن بۇلدىرشىندەر اتىنان العىستارىن ءبىلدىردى.
«ءبىزدىڭ جەتى جاسار چاروس تاحيروۆامىزدىڭ كومەيىندە راك بولدى. وكىنىشكە وراي قازاقستاندا وعان قاجەتتى جاردەم بەرە المادى. وعان 17 مارتە وتا جاسالدى، الايدا پاپيللومدار وسە بەردى، ول داۋىسىن جوعالتىپ، تىنىس الۋى قيىنداي ءتۇستى. دەم الۋ مۇمكىن بولماعان كەزدە وعان تراحيوستوما قويدى. بۇل - تىنىس الۋ ءۇشىن كومەيگە جاسالاتىن حيرۋرگيالىق تىلىك. چاروستى كورەيادا ەمدەدى، وعان بىرنەشە وتا جاسالىپ، كۋرستان ءوتتى. قازىر ول سويلەي الادى، تىنىس الۋى جاقساردى. ول ساۋىعىپ كەتۋدىڭ الدىندا تۇر، - دەپ جازدى ارۋجان ساين الەۋمەتتىك جەلىدەگى پاراقشاسىندا.
- ونىڭ وتالارىنىڭ بىرىنە جانە باسقا بالالاردىڭ ەمدەلۋىنە قارجىنى قورعا ەلباسى اۋداردى. بۇگىن ول مەملەكەت باسشىسىنا ءوزى راحمەت ايتادى».
تاعى دا ءبىر ءبۇلدىرشىن ول - التى جاسار شەريازدان اسفەنديار. ونىڭ ميىندا ىسىك بولعان. وعان تۇركيادا وتا جاسالىپ زاقىم كەلگەن ميدىڭ بولىگى الىنىپ تاستالعان. «ول چاروسپەن بىرگە پرەزيدەنتكە جولىعادى. وعان بارلىق بالالاردىڭ اتىنان العىس بىلدىرەدى. استانا اكىمىنىڭ جاڭاجىلدىق كەشىنە كەلگەندەردىڭ بارلىعىنا راحمەت ايتامىن! سىزدەردىڭ بيلەتتەرىڭىزدىڭ اقشالارى ءبىزدىڭ قوردىڭ بالالارىنا كومەككە كەلەدى»، - دەپ جازدى «مەيىرىمدىلىك» قورىنىڭ جەتەكشىسى.
