ايباتىر جۇماعۇلوۆ ۇلتتىق ەكونوميكا ۆيتسە-ءمينيسترى بولىپ تاعايىندالدى
«ۇكىمەت قاۋلىسىمەن ايباتىر نىشانباي ۇلى جۇماعۇلوۆ ۇلتتىق ەكونوميكا ۆيتسە- ءمينيسترى بولىپ تاعايىندالدى»، - دەپ ءمالىم ەتتى سۇلەيمەنوۆ. مينيستر جۇماعۇلوۆتىڭ كاسىبي قاسيەتى مەن تاجىريبەسىن اتاپ ءوتىپ، ونى ءوز جۇمىسىندا ءتيىمدى پايدالاناتىنىنا سەنىمدىلىك ءبىلدىردى. ايباتىر جۇماعۇلوۆ 2013 -جىلعى قازاننان بەرى «قازاقستان تۇرعىن ءۇي قۇرىلىس جيناق بانكى» ا ق باسقارما ءتوراعاسى قىزمەتىن اتقارعان. 1997 -جىلى ءال- فارابي اتىنداعى قازاق مەملەكەتتىك ۋنيۆەرسيتەتىن «ەكونوميكا جانە مەنەدجمەنت» ماماندىعى بويىنشا ءبىتىرىپ، 1999 -جىلى قازاق مەملەكەتتىك باسقارۋ اكادەمياسىنان ەكونوميكا ماگيسترى دارەجەسىن الىپ شىققان. بانكتىك سالاداعى ەڭبەك جولىن قازاقستان رەسپۋبليكاسى ۇلتتىق بانكىنىڭ زەرتتەۋلەر جانە ستاتيستيكا دەپارتامەنتىنىڭ باس ساراپشىسى قىزمەتىنەن باستاعان. كەيىنگى جىلدارى «بانك سەنتر كرەديت» ا ق قازىناشىلىق دەپارتامەنتىنىڭ ديرەكتورى جانە «BCC- Invest» ا ق («بانك سەنتر كرەديت» ا ا ق ەنشىلەس ينۆەستيتسيالىق بولىمشەسى) باسقارما ءتوراعاسىنىڭ ءبىرىنشى ورىنباسارى بولىپ جۇمىس ىستەدى، وندا بانكتىڭ قورلارىن جانە كاپيتالىن باسقارۋعا، قازىناشىلىق بلوگىنا جانە ساۋدالىق وپەراتسيالارعا جەتەكشىلىك ەتتى.
كەيىننەن، بانكتىك جانە ينۆەستيتسيالىق سالالارداعى جۇمىستاردان باسقا، ق ر يندۋستريا جانە جاڭا تەحنولوگيالار مينيسترلىگىندە بازالىق سالالار دەپارتامەنتىنىڭ ديرەكتورى لاۋازىمىندا ەڭبەك ەتتى، سونداي-اق «Baur Kazakhstan» كومپانيالار توبىندا ديرەكتورلار كەڭەسىنىڭ مۇشەسى بولدى. «قازاقستان تۇرعىن ءۇي قۇرىلىس جيناق بانكى» ا ق باسقارماسىنىڭ ءتوراعاسى بولىپ تاعايىندالعانعا دەيىن «بايتەرەك» ۇ ب ح» ا ق باسقارۋشى ديرەكتورىنىڭ لاۋازىمىندا قىزمەت ەتتى.
جۇماعۇلوۆ ا. ن. «قاز ەكسپورت گارانت» ەكسپورتتىق- كرەديتتىك ساقتاندىرۋ كورپوراتسياسى» ا ق ديرەكتورلار كەڭەسىن باسقاردى جانە «قازىنا كاپيتال مەنەدجمەنت» ا ق، «يپوتەكالىق كرەديتتەردى كەپىلدەندىرۋدىڭ قازاقستاندىق قورى» ا ق، «تەحنولوگيالىق دامۋ جونىندەگى ۇلتتىق اگەنتتىك» ا ق جانە «قازاقستاننىڭ تۇرعىن ءۇي قۇرىلىس جيناق بانكى» ا ق ديرەكتورلار كەڭەستەرىنىڭ قۇرامىنا بولدى.
