ۆەتنام ەكسپوداعى پاۆيلونىنىڭ تۇجىرىمداماسىمەن جۇمىس جاساۋدا
تاراپتار كەزدەسۋ بارىسىندا ەكسپو-2017 كورمەسىنە دايىندىق ماسەلەلەرى تالقىلادى. احمەتجان ەسىموۆ ۆەتنامدىق تاراپتى كورمەگە دايىندىق بويىنشا جۇرگىزىلۋدەگى جۇمىسپەن تانىستىردى. سونداي-اق ۇلتتىق كومپانيا باسقارماسىنىڭ ءتوراعاسى قازىرگى ۋاقىتتا 8 مەملەكەت وكىلدەرىنە تولتىرۋ ءۇشىن پاۆيلوندار تاپسىرىلعاندىعىن ايتتى. سونداي-اق ول ۆەتنامنىڭ ۇلتتىق سەكسيا پاۆيلونى تاپسىرۋعا دايىن ەكەندىگىن جانە اتالعان پاۆيلوننىڭ قىزمەتكەرلەرى ءۇشىن پاتەرلەردى الۋعا بولاتىندىعىن اتاپ ءوتتى.
«ءبىز ەكسپو-2017 كورمەسىنە قاتىسۋ بويىنشا ۆەتنام تاراپىنا جاردەم كورسەتۋگە دايىنبىز. 29- تامىزدا - ۆەتنام رەسپۋبليكاسىنىڭ ۇلتتىق كۇنىن وتكىزۋ وقيعاسى بويىنشا سالتاناتتى ءىس-شارانى بىرگە دايىندايمىز. سونىمەن قاتار، 9- ماۋسىمدا ەكسپو-2017 كورمەسىنىڭ سالتاناتتى اشىلۋى وتەدى، وندا ق ح ر، رەسەي، ءۇندىستان، پاكىستان، قىرعىزستان، تاجىكستان، وزبەكستان جانە ت. ب. سياقتى ەلدەردىڭ باسشىلارى قاتىسادى. ءبىز ۆەتنام سوتسياليستىك رەسپۋبليكاسىنىڭ جوعارى مارتەبەلى تۇلعالارىن اسىعا كۇتەمىز»، - دەدى احمەتجان ەسىموۆ.
«سوڭعى جىلدارى ءبىز ەلىمىزدە كوپتەگەن وزگەرىستەر كورۋدەمىز. 2017-جىلى ءبىزدىڭ ەلدەرىمىزدىڭ اراسىنداعى ديپلوماتيالىق قاتىناستارعا 25 جىل تولادى. سوندىقتان ءبىز ەكسپو-2017 كورمەسىندە بىرنەشە مادەني-كوپشىلىك ءىس-شارالار وتكىزۋگە نيەت بىلدىرۋدەمىز. اتالعان كەزەڭدە ءبىز ۆەتنام پاۆيلونىن تولتىرۋعا بەلسەندى دايىندالۋدامىز»، - دەپ اتاپ ءوتتى ۆەتنام ۇلتتىق سەكسياسىنىڭ كوميسسارى نگۋەن چۋنگ كحان.
