ساعىنتايەۆ ۇكىمەتتىڭ جىلدىق قورىتىندىسىن جاقسى باعالادى

استانا. قازاقپارات - ۇكىمەت باسشىسى باقىتجان ساعىنتايەۆ مينيسترلەر كابينەتىنىڭ جىلدىق جۇمىسىن جاقسى باعالادى، دەپ حابارلايدى قازاقپارات.

 «بىزدەگى كورسەتكىشتەر جامان ەمەس. 2016 -جىلدىڭ 11-ايىندا جالپى ىشكى ءونىمنىڭ ءوسىمى 0,8 پايىزدى قۇرادى. جالپى، جىلدى ءبىر پايىزدىق وسىممەن اياقتايمىز دەگەن ءۇمىت بار. وسىعان كۇش سالۋىمىز قاجەت. نەگىزىنەن، بيۋدجەتتىڭ ورىندالۋى بويىنشا دا جاعداي جامان ەمەس»، - دەدى پرەمەر- مينيستر ۇكىمەتتىڭ بۇگىنگى وتىرىسىندا.

 دەگەنمەن، ساعىنتايەۆ ءبىرقاتار وڭىرلەر بيۋدجەتتى تولىق يگەرمەگەنىن دە اتاپ ءوتتى. «ءبىرقاتار وڭىرلەردە بيۋدجەتتى يگەرۋ بويىنشا، كەمشىلىكتەر بار. نەگىزى، 11 ايعا قاراعاندا، جىلدىڭ قورىتىندىسى جامان ەمەس»، - دەدى ۇكىمەت باسشىسى.

اۆتور: كەنجەكەي توقتامۇرات قىزى