جاقىن ارادا پرەزيدەنت شىعىس قازاقستانداعى الپاۋىت كاسىپورىننىڭ جۇمىسىمەن تانىسپاق
«اقتوعاي كومبيناتىندا مىس سۋلفيدتى كەندى قايتا وڭدەۋ بويىنشا فابريكانىڭ قۇرىلىسى اياقتالعانىن مالىمدەيمىز. ونىڭ جىلدىق قۋاتى 25 ميلليون توننا كەندى قۇرايدى. كاتودتى ەكۆيۆالەنتتە جىلىنا 90 مىڭ توننان مىس وندىرىلەدى. سالىنعان ينۆەستيتسيالار كولەمى 2 ميلليارد دوللاردان استام. وندىرىستە 1500 ادام جۇمىس ىستەيتىن بولادى. قۇرمەتتى ەلباسى! فابريكانى ىسكە قوسۋعا رۇقسات ەتىڭىز!» - دەدى KAZ Minerals توبىنىڭ باسقارما ءتوراعاسى ولەگ نوۆاچۋك يندۋستريالاندىرۋ كۇنى اياسىنداعى تەلەكوپىر بارىسىندا.
«بۇل - قازاقستان تاۋەلسىزدىگىنىڭ 25 جىلدىعىندا ىسكە قوسىپ وتىرعان ەڭ ءىرى كاسىپورىن. سونىمەن قاتار وسى الىپ ءوندىرىس شىعىس قازاقستان وبلىسىنىڭ وڭتۇستىگىندە ورنالاسىپ وتىر، بۇل جەردە وسىنداي كاسىپورىن بولماعان ەدى. مەن وتە قۋانىشتىمىن. جاقىندا سىزدەردىڭ كاسىپورىندارىڭىزعا باراتىن بولامىن»، - دەدى پرەزيدەنت اتالعان ءوندىرىستى ىسكە قوسۋ بارىسىندا.
اۆتور: رۋسلان عابباسوۆ 
