قازاقستانداعى ساپاسىز بەنزيننىڭ ۇلەسى انىقتالدى
بۇل تۋرالى «قازاقپارات» ح ا ا- نىڭ رەسمي ساۋالىنا ق ر ۇ ە م تۇتىنۋشىلاردىڭ قۇقىقتارىن قورعاۋ كوميتەتىنەن حابارلاندى. «ق ر ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى وتكىزىلەتىن بەنزيننىڭ ساپاسى بويىنشا ماسەلەلەرگە قاتىستى اعىمداعى جىلى ەلىمىزدىڭ اۆتوموبيلگە ماي قۇيۋ ستانسالارىندا وتكىزىلەتىن اۆتوموبيل بەنزينىنىڭ ساپاسىن مونيتورينگتەۋ بارىسىندا ونىڭ 25 پايىزىنىڭ «اۆتوموبيل جانە اۆياتسيا بەنزينىنە، ديزەل جانە كەمە وتىنىنا، رەاكتيۆتى قوزعالتقىشتار مەن مازۋتقا ارنالعان وتىنعا قويىلاتىن تالاپتار تۋرالى» 013/2011 ك و ت ر كەدەن وداعى تەحنيكالىق رەگلامەنتىنىڭ تالاپتارىنا سايكەس كەلمەيتىنى انىقتالعانىن حابارلايدى.
اككرەديتتەلگەن سىناق زەرتحانالارى اۆتوموبيل بەنزينىنىڭ 243 سىناماسىن زەرتتەدى، ونىڭ ىشىندە بەنزيننىڭ 62 سىناماسى (27 پايىزى) 013/2011 ك و ت ر تالاپتارىنا، سونداي-اق ستاندارتتار، تەحنيكالىق شارتتار تالاپتارىنا سايكەس كەلمەگەن»، - دەپ اتاپ وتىلگەن كوميتەت مالىمەتىندە.
وسى رەتتە ءونىم شاعىن زاۋىتتا قولدان جاسالعان تاسىلمەن وندىرىلگەن نەمەسە تاۋارلىق بەنزين ءوندىرىسى ءۇشىن جارتىلاي فابريكات بولىپ تابىلادى. «كوپتەگەن ج م ق س- دا وتكىزىلەتىن بەنزين تۋرالى اقپارات (تاڭبالاۋ، ءوندىرۋشى، وتىننىڭ ەكولوگيالىق سىنىبى، قوسپانىڭ بولۋى كورسەتىلگەن ساپا پاسپورتى) جوق. مالىمەتتەر تۇتىنۋشى ءۇشىن قولجەتىمدى جەرلەردە ورنالاستىرىلۋى ءتيىس، بۇل 013/2011 ك و ت ر- نىڭ مىندەتتى تالابى بولىپ تابىلادى»، - دەلىنگەن كوميتەت اقپاراتىندا.
