قىتايدا الدانعان قازاقستاندىق مۇگەدەك- بالالارعا وتەماقى تولەۋ ماسەلەسى قارالادى
قازاقستاندىق تاراپتان كەزدەسۋگە زارداپ شەككەن 13 وتباسىنىڭ وكىلدەرى - الماتىلىقتار تويبەك جالعاسبايەۆ پەن زاۋرە مولدابايەۆا، «Sezimtal» قوعامدىق قورىنىڭ ۇيلەستىرۋشىسى سۇڭقار نۇرماعامبەتوۆ جانە ق ح ر- داعى ق ر ەلشىلىگى كونسۋلدىق ءبولىمىنىڭ باسشىسى بولات سىرلىبايەۆ قاتىساتىن بولادى. «بەيجىڭ ليمين كلينيكاسىنىڭ شاقىرتۋىمەن وتەماقى ماسەلەسىن تالقىلاۋ جانە رەتتەۋ ءۇشىن گۋاڭجوۋ قالاسىنا كەلدىك. ءبىز بارلىق 13 وتباسىنا قارجىلاي وتەماقى تولەۋ ماسەلەسىن تالقىلايتىن بولامىز. ءبىزدى ەم- دومنان قايتا ءوتۋ نەمەسە ساۋىقتىرۋعا جاتقىزۋ (ليمين كلينيكاسىنا - رەد. ) ۇسىنىستارى قىزىقتىرمايدى. سوما كولەمىن اتاي المايمىن، سەبەبى ول تالقىلاۋ ساتىسىندا» ، - دەدى سۇڭقار نۇرماعامبەتوۆ. ونىڭ سوزىنە قاراعاندا، قىتاي بيلىگى بەيجىڭدىك ليمين كلينيكاسى اينالاسىنداعى جاعدايعا ۇلكەن نازار اۋدارۋدا. «ق ح ر مەديتسينالىق قاۋىمداستىعى قىتاي دەنساۋلىق ساقتاۋ سالاسى نارىعىندا رەتتەۋشى بولىپ تابىلادى. ولار قازىرگى ۋاقىتتا بەيجىڭدىك ليمين كلينيكاسىنان ليتسەنزيانى قايتارىپ الۋ ماسەلەسىن قاراستىرۋدا. وتكەن اپتادا قازاقستانداعى قىتايدىڭ باس كونسۋلى رەسمي تۇردە جۇگىنىپ، اتالمىش ماسەلەنى رەتتەپ بەرۋگە ۋادە ەتتى» ، - دەپ اتاپ ءوتتى نۇرماعامبەتوۆ. «Sezimtal» ق ب ۇيلەستىرۋشىسىنىڭ ايتۋىنشا، قىتايدا مۇنداي جاعدايلار بويىنشا ءمورالدىق زالال بولماشى سومانى قۇرايدى. «ورتاشا العاندا ءار بالاعا 5-10 مىڭ يۋاندى (248-496 مىڭ تەڭگە) قۇرايدى. ءبىراق مۇندا ءاربىر جاعدايدى جەكە قاراستىرۋ قاجەت» ، - دەيدى ول. ناۋقاس بالانىڭ اكەسى تويبەك جالعاسبايەۆ قازاقستاندىق مەملەكەتتىك ورگاندارعا - باس پروكۋراتۋراعا، سىرتقى ىستەر مينيسترلىگىنە، اسىرەسە، ق ح ر- داعى ق ر ەلشىلىگىنە العىسىن ءبىلدىردى.
ەسكە سالايىق، 2015 -جىلدىڭ سوڭىندا الماتى، استانا، ورال، اتىراۋ، قاراعاندى، قىزىلوردا، جاڭاوزەن جانە وقو ماقتارال اۋدانىندا تۇراتىن مۇگەدەك بالالارى بار 13 وتباسى بالالارى ەم- دوم قابىلداعان بەيجىڭدىك ليمين اۋرۋحاناسى تاراپىنان بولعان الاياقتىق تۋرالى مالىمدەگەن بولاتىن. اتا- انالار قىتايلىق مەديتسينالىق مەكەمەنىڭ سايتىنان ليمين سەرەبرالدى سال اۋرۋى اۋرۋحاناسى ا ق ش- تا قولدانىلاتىن جانە جاقسى ناتيجەلەرگە جەتۋگە مۇمكىندىك بەرەتىن 3S- جۇيكەنى بۇعاتتاۋ ادىسىمەن ەمدەيتىندىگى تۋرالى جارنامانى كورگەن. بەيجىڭدە ەمدەلىپ كەلگەننەن كەيىن بالالارىنا بۇلشىق ەت قۇرىسۋىن ۋاقىتشا باساتىن «ديسپورت» پروتسەدۋراسىن (بوتوكس ۋكولى) عانا جاساعاندىعىن انىقتاعان. اتالمىش پروتسەدۋرا قازاقستاندا بالالاردىڭ سەرەبرالدى سال اۋرۋى دياگنوزى بار بۇلدىرشىندەرگە تەگىن سالىنادى. زارداپ شەككەن قازاقستاندىق وتباسىلارعا كولىكتىك جانە قوناق ءۇي قىزمەتتەرىن قوسا العاندا بەيجىڭدىك ليمين كلينيكاسىندا ەم- دوم قابىلداپ كەلۋ 200 مىڭ دوللارعا اينالعان.
