22:28, 01 - قاراشا 2016 | GMT +5
قازاقستان تۋريزم سالاسىنداعى بىرلەسكەن جوبالاردى ىسكە اسىرۋعا مۇددەلى - داريعا نازاربايەۆا
استانا. قازاقپارات - پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى داريعا نازاربايەۆا سلوۆاكيانىڭ قازاقستانداعى توتەنشە جانە وكىلەتتى ەلشىسى پەتەر يۋزانى قابىلدادى.
سەناتور قازاقستان مەن سلوۆاكيا قاتىناستارىنىڭ جاقسى قارقىنىن، سونداي-اق قازاقستان مەن ەۋروپا وداعىنىڭ اراسىنداعى تابىستى ىنتىماقتاستىقتى اتاپ ءوتتى.
جۇزدەسۋشىلەر پارلامەنتتىك دوستىق توپتارىنىڭ الەۋەتىن ۇدەتۋ، سونداي-اق ەكى ەل اراسىنداعى ەكونوميكالىق جانە گۋمانيتارلىق ءوزارا ءىس-قيمىلدى تەرەڭدەتۋدىڭ كەلەشەگىن تالقىلادى.
تۋريزم سالاسىنداعى بىرلەسكەن جوبالاردى ىسكە اسىرۋعا قازاقستاننىڭ مۇددەلى ەكەنىن ايتا كەلىپ، د. نازاربايەۆا سلوۆاك جۋرناليستەرى مەن كاسىپكەرلەرىن «ەكسپو-2017» حالىقارالىق كورمەسىنە كەلۋگە شاقىردى.
