ەكسپوعا قىتايلىقتاردىڭ كوپتەپ كەلۋىنە وراي اۋە رەيستەرىنىڭ سانى ارتادى
سەبەبى استاناداعى ەكسپو-2017 كورمەسىنە كەلەتىن قىتايلىقتاردىڭ سانى كوپ بولادى دەگەن بولجام بار، دەپ حابارلايدى قازاقپارات ءتىلشىسى.
«بۇگىندە ازاماتتىق اۆياتسيا بويىنشا ءبىر اپتانىڭ ىشىندە 35 رەيس ورىندالادى. سونىڭ ىشىندە 21 ءى قازاقستاندىق كومپانيالاردىڭ ۇلەسىندە بولسا، قىتايلىق تاسىمالداۋشىلار 14 اۋە رەيسىن ءوز مويىندارىنا العان. 2017-جىلدىڭ قاڭتار ايىنان باستاپ قازاقستان مەن قىتاي اراسىنداعى رەيستەردىڭ سانى 42 گە ارتادى»، - دەدى ش. نۇرىشيەۆ بۇگىن استانادا وتكەن باسپا ءسوز ءماسليحاتىندا.
ەلشىنىڭ سوزىنە قاراعاندا، بۇگىندە قىتاي استانادا وتەتىن «ەكسپو-2017» حالىقارالىق كورمەسىنە قاتىساتىنىن راستادى. 1000 شارشى مەتردى قۇرايتىن قىتايلىق پاۆيلوننىڭ تاقىرىبى مەن ۇلتتىق كوميسسارى بەكىتىلدى. كورمە كەزىندە قىتايلىقتار ءوز پاۆيلونىندا 100 دەن استام سان الۋان شارالاردى وتكىزۋدى جوسپارلاپ وتىر. وسى ەلدىڭ تۋريستىك كومپانيالارى ۇسىنعان مالىمەتكە سايكەس، استاناداعى كورمەگە 200 مىڭنان استام قىتاي ازاماتى كەلىپ كەتۋى ابدەن مۇمكىن.
