تايلاندتىڭ جاڭا كورولى تاققا وتىرادى

استانا. قازاقپارات - تايلاندتا مۇراگەر حانزادا 63 جاستاعى ماحي ۆاچيرالونگكورننىڭ 1 -جەلتوقساندا تاققا وتىرۋىنا دايىندىق ءجۇرىپ جاتىر، دەپ حابارلايدى قازاقپارات Reuters اگەنتتىگىنە سىلتەمە جاساپ.

بۇل تۋرالى اسكەري ۇكىمەتتەگى ەكى دەرەككوز ءمالىم ەتكەن. ولار سونداي-اق حانزادا قازىرگى ۋاقىتتا جەكە شارۋالارىمەن گەرمانيادا جۇرگەنىن، ءبىراق قاراشا ايىندا قايتىپ ورالاتىندىعىن اتاپ ءوتتى.

«ءبىز دايىندىق ۇستىندەمىز، 1 -جەلتوقسانعا دەيىن بارلىعى دايىن بولادى»، - دەدى دەرەككوز.

بۇعان دەيىن حابارلانعانداي،  ۇلى بريتانيادا مىڭداعان تايلىق دۇنيەدەن وزعان پاتشا پحۋميپون ادۋليادەتتىڭ ارۋاعىنا تاعزىم ەتۋ ءۇشىن ترافالگارسك الاڭىنا شىقتى. پاتشا پحۋميپون ادۋليادەت بيلىك باسىندا ەڭ ۇزاق بولعان (70 جىل) مونارح، ول 13 -قازان كۇنى 89 جاسىندا قايتىس بولدى.