پرەمەر-مينيستر ەكسپو نىساندارىنىڭ قۇرىلىسىن تەكسەردى
«استانا ەكسپو-2017» ۇ ك» ا ق باسقارما ءتوراعاسى احمەتجان ەسىموۆ مەملەكەت باسشىسى نۇرسۇلتان نازاربايەۆتىڭ كورمە نىساندارى قۇرىلىسىن ۋاقىتىلى جۇرگىزۋ، سونىمەن قاتار، ولاردى يننوۆاتسيالىق ازىرلەمەلەرمەن ساپالى تۇردە تولىقتىرۋ جونىندە بەرگەن تاپسىرمالارىنىڭ ورىندالۋ بارىسى تۋرالى ەسەپ بەردى.
پرەمەر-مينيستر كورمە ايماعىنىڭ اينالاسىن كوركەيتۋگە، ىشكى ارلەۋ جۇمىستارىنا جانە نىسانداردىڭ قاۋىپسىزدىك جۇيەسىنە وتاندىق ماتەريالداردىڭ قولدانىلىپ جاتقاندىعى تۋرالى حاباردار ەتىلدى.
انىقتاما:
كونگرەسس- ورتالىق - حالىقارالىق كونگرەسستەر، كونفەرەنتسيالار، سيمپوزيۋمدار، پانەلدىك سەسسيالار، قويىلىمدىق شوۋ مەن كونسەرتتەر وتكىزۋگە ارنالعان كوپ فۋنكتسيالى مادەني، ويىن-ساۋىق نىسانى. نىساندا ىشكى ارلەۋ جۇمىستارى جۇرگىزىلىپ، تەلەسكوپتىق مىنبە مەن موبيلدى ارالىقتى جوبالاۋ بويىنشا تەحنولوگيالىق شەشىمدەر ازىرلەنۋدە.
قوناق ءۇي كەشەنى - نىسان حالىقارالىق Hilton Worldwide وپەراتورىنىڭ جۇمىلدىرىلۋىمەن، مەملەكەتتىك-جەكەمەنشىك ارىپتەستىك قاعيداسىمەن جۇرگىزىلۋدە. قوناق ءۇيدىڭ ينفراقۇرىلىمى تاۋلىكتىك مەيرامحانانىڭ ۇلكەن جانە كىشى زالىنان، كونفەرەنتس- زالدان، كەلىسسوز جۇرگىزۋ جانە كەڭسە بولمەسىنەن تۇرادى.
«ەكسپو- قالاشىق» كوپ پاتەرلى تۇرعىن-ءۇي كەشەنى - 42 تۇرعىن ۇيدەن تۇرادى جانە 1374 پاتەرى، كولىكتىڭ تۇراق ورىندارى مەن جەراستى پاركينگى بار.
