قىرعىزستان ۇكىمەتى وتستاۆكاعا كەتتى

استانا. قازاقپارات - قىرعىزستان پرەزيدەنتى المازبەك اتامبايەۆ «قىرعىز رەسپۋبليكاسىنىڭ ۇكىمەتىن وتستاۆكاعا جىبەرۋ تۋرالى» جارلىققا قول قويدى.

«قىرعىزستان»، «ونۋگۋۋ- پروگرەسس»، «اتا مەكەن»، ق س د پ فراكسيالارى اراسىنداعى كواليتسيالىق كەلىسىمگە سايكەس قىرعىز رەسپۋبليكاسىنىڭ جوگوركۋ كەنەشىنىڭ 2015 -جىلعى 2 -قاراشاسىندا قۇرىلعان قىرعىز رەسپۋبليكاسىنىڭ ۇكىمەتى وتستاۆكاعا كەتتى دەپ سانالسىن.

پرەمەر-مينيستر، ءبىرىنشى ۆيتسە-پرەمەر-مينيستر، ۆيتسە-پرەمەر- مينيسترلەر لاۋازىمىنداعى ادامدار، ۇكىمەت مۇشەلەرى، سونداي-اق قىرعىز رەسپۋبليكاسى اكىمشىلىك ۆەدومستۆولارىنىڭ باسشىلارى ۇكىمەت مۇشەلەرى جانە قىرعىز رەسپۋبليكاسىنىڭ اكىمشىلىك ۆەدومستۆولارىنىڭ باسشىلارى ۇكىمەتتىڭ جاڭا قۇرامى مۇشەلەرىن جانە اكىمشىلىك باسشىلارىن تاعايىنداعانعا دەيىن بۇرىن اتقارعان لاۋازىمى بويىنشا مىندەتتەردى ورىنداۋدى جالعاستىرسىن»، - دەلىنگەن ق ر پرەزيدەنتىنىڭ سايتىندا.

ەسكە سالساق، قىرعىزستاندا كوپشىلىك كواليسيا ىدىرادى. «ىمىراسىز ساياسي كوزقاراستارعا بايلانىستى ق س د پ كوپشىلىك كواليتسياسىنان شىعادى»، - دەپ حابارلادى جۋرناليستەرگە بەرگەن سۇحباتىندا دۇيسەنبىدە فراكسيا كوشباسشىسى يسا ومۋركۋلوۆ. ول شەشىم فراكسيا وتىرىسىنىڭ قورىتىندىسى بويىنشا قابىلدانعانىن اتاپ ءوتتى.

«كونستيتۋتسيالىق رەفەرەندۋمدى وتكىزۋ ماسەلەسى بويىنشا پارتيالاردىڭ ۋاعدالاسا الماۋى كواليتسيانىڭ ىدىراۋىنا الىپ كەلدى»، - دەپ اتاپ ءوتتى كوپشىلىك پارلامەنتتىك اليانس كوشباسشىسى قانات يسايەۆ.