توقايەۆ پولشا ەلشىسىن قابىلدادى
ق. توقايەۆ ەلشىنىڭ جەمىستى ەڭبەگىنە ريزاشىلىعىن جەتكىزە وتىرىپ، ونىڭ كاسىبي قىزمەتىنىڭ تابىستى بولۋىنا تىلەكتەستىگىن ءبىلدىردى.
سەنات ءتوراعاسى ءبىزدىڭ ەلدەرىمىز اراسىنداعى ىنتىماقتاستىققا جوعارى باعا بەردى. «قازاقستان پرەزيدەنتى نۇرسۇلتان نازاربايەۆتىڭ بيىلعى تامىزداعى پولشاعا مەملەكەتتىك ساپارى ءبىزدىڭ قاتىناستارىمىزدى ءوزارا تۇسىنىستىكتىڭ جاڭا ساپالىق تۇرعىداعى دەڭگەيىنە كوتەرۋگە مۇمكىندىك بەردى»، - دەپ اتاپ ءوتتى ق. توقايەۆ. پارلامەنتارالىق ىنتىماقتاستىققا پولشا سەناتىنىڭ ءتوراعاسى ستانيسلاۆ كارچيەۆسكيدىڭ تاياۋداعى قازاقستانعا رەسمي ساپارى ەلەۋلى سەرپىن بەردى.
ق. توقايەۆتىڭ ايتۋىنشا، ەۋروپا وداعىمەن ستراتەگيالىق ارىپتەستىك تۇرعىسىندا دا پولشامەن ەكىجاقتى ىنتىماقتاستىقتى دامىتۋ اسا ماڭىزدى بولىپ وتىر. وسىعان بايلانىستى پولشا پارلامەنتىمەن قوسا ەۋروپا وداعىنا مۇشە مەملەكەتتەردىڭ زاڭ شىعارۋ ورگاندارىمەن كەڭەيتىلگەن ارىپتەستىك جانە ىنتىماقتاستىق تۋرالى قازاقستان مەن ەۋروپا وداعى اراسىنداعى كەلىسىمنىڭ تەزىرەك راتيفيكاتسيالانۋىنا سەنىم ارتىلىپ وتىرعانى ايتىلدى.
