كومىرمەن وتىرعان مەكتەپتەر مەن دۇكەندەرگە ايىپپۇل سالعانىمىز دۇرىس ەمەس - سەناتور

استانا. قازاقپارات - بۇگىن پارلامەنت سەناتىنىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىندە پاريج كەلىسىمىن راتيفيكاتسيالاۋ ماسەلەسى قارالدى.

جاھاندىق كليماتتىڭ وزگەرۋى اياسىندا اتموسفەراعا شىعارىلاتىن كومىرسۋتەك قالدىقتارىن بارىنشا ازايتۋدى كوزدەيتىن كەلىسىمگە قاتىستى بىردە- ءبىر سۇراق تۋىنداعان جوق. الايدا سەناتور ءجۇنىس نۇرعاليەۆ وسى ماسەلەگە قاتىستى ماڭىزدى ءبىر پروبلەمانى كوتەردى، دەپ حابارلايدى قازاقپارات ءتىلشىسى.

سەناتوردىڭ ءوزى پاريج كەلىسىمىندە كورسەتىلگەن بارلىق ماسەلەلەردى قولداپ وتىر. الايدا سونىڭ بارلىعى جەرگىلىكتى جەرگە دەيىن جەتۋى كەرەك دەپ سانايدى. وتاندىق زاڭنامانىڭ ءبىر- بىرىنە قايشى تۇستارىن دا الىپ تاستاۋ قاجەت.

«بىزدە اۋىل شارۋاشىلىعى سالاسىندا قيدى وندىرۋمەن اينالىساتىن شارۋالارعا سالىق سالادى. مەنىڭشە، ول دۇرىس ەمەس. سوسىن ءبىز اتموسفەراعا شىعارىلاتىن قالدىقتارعا شەكتەۋ قويامىز دەپ وتىرمىز. ال جەرگىلىكتى جەردەگى مەكتەپتەردىڭ تۇگەلى دەرلىك كومىردى جاعىپ جاتىر. اۋاعا СО2- ءنىڭ ءبىراز مولشەرى شىعارىلادى. سول ءۇشىن جازا قولدانامىز دەپ وتىرمىز. دەمەك، تاعى ءبىر تەكسەرىسكە جول اشىلادى. كومىردى جاعىپ وتىرعان قانشاما دۇكەندەر بار. ەندى، ولار دا ايىپپۇل تولەيتىن بولادى. وسىنى كەڭىنەن ءتۇسىندىرىپ بەرۋىمىز كەرەك. قازىرگى باستاما بيزنەسكە كەرى اسەرىن تيگىزبەۋى ءتيىس»، - دەدى ج. نۇرعاليەۆ.

وسى ورايدا سەناتور پاريج كەلىسىمىندە كورسەتىلگەن مىندەتتەمەلەردىڭ زاڭدى كۇشى جوق ەكەنىن تاعى ءبىر مارتە ەسكەرتتى. بۇل دەگەنىمىز، بارىنە جاپپاي ايىپپۇل سالىنبايدى. دەگەنمەن، حالىق اراسىندا اتالعان باستامانى جان- جاقتى تۇسىندىرسە، اۋاعا شىعارىلاتىن كومىرسۋتەك قالدىقتارىن وركەنيەتتى جولمەن ازايتۋعا دا بولادى.

 ايتا كەتەيىك، كوميتەتتىڭ كەڭەيتىلگەن ماجىلىسىندە بارلىق دەپۋتاتتار پاريج كەلىسىمىن سەناتتىڭ جالپى وتىرىسىنا شىعارۋدى قولدادى. بۇعان دەيىن اتالعان قۇجاتتى ءماجىلىس دەپۋتاتتارى قولداپ، ءوز ارىپتەستەرى - سەناتورلاردىڭ قاراۋىنا جىبەرگەن بولاتىن.

 ارمان اسقاروۆ