ەلباسى قورعانىس ءمينيسترى ساكەن جاسۇزاقوۆتى قابىلدادى
استانا. قازاقپارات - كەزدەسۋدە س. جاسۇزاقوۆ مەملەكەت باسشىسىنا مينيسترلىكتىڭ قازىرگى قىزمەتى جانە قارۋلى كۇشتەردەگى جەدەل- اسكەري دايىندىق بارىسى تۋرالى باياندادى، دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتى ۆەدومستۆونىڭ جاڭادان قۇرىلعان قورعانىس جانە اەروعارىش ونەركاسىبى مينيسترلىگىمەن ارادا ءوزارا ءتيىمدى ءىس- قيمىلدى جولعا قويۋىنىڭ ماڭىزدىلىعىنا نازار اۋداردى.
سونداي-اق، قورعانىس ءمينيسترى قارۋلى كۇشتەر قۇرامىندا ءوتىپ جاتقان قورىتىندى سىناقتىڭ بۇگىنگى كۇنگە دەيىنگى وڭ ناتيجەلەرى جونىندە مالىمدەدى.
نۇرسۇلتان نازاربايەۆ كەزدەسۋ قورىتىندىسى بويىنشا ءبىرقاتار ناقتى تاپسىرما بەردى.
