تومەن بايىتىلعان ۋران ءۇلبى زاۋىتىندا ەۋروپالىق ستاندارتقا ساي ساقتالادى - جاقساليەۆ
«تومەن بايىتىلعان ۋران بانكىن قۇرۋ جوباسى اتوم ەلەكتر ستانسالارى ءۇشىن رەزەرۆتىك وتىن قورىن قۇرۋدى بىلدىرەدى. ماگاتە بانكتە ساقتالاتىن ۋراننىڭ يەسى سانالادى جانە وتىن ونىڭ باقىلاۋىندا ءارى رەسمي زاڭدى يەلىگىندە بولادى. بۇل بانك تۇراقتى جەتكىزىلىم كوزى نەمەسە قانداي دا ءبىر دۇكەن بولىپ سانالمايدى. ۋران رەزەرۆى قول سۇعىلمايتىن قور رەتىندە ەسەپتەلىنەدى. ول ۋران نارىعىندا داعدارىستى جاعداي ورىن العان كەزدە عانا پايدالانىلادى»، - دەدى ۆيتسە- مينيستر.
ونىڭ ايتۋىنشا، تومەن بايىتىلعان ۋران ءۇلبى مەتاللۋرگيالىق زاۋىتىندا گەكساۆتوريد تۇرىندە كونتەينەرلەر مەن سيلينديرلەردە ەۋروپالىق 30В ستاندارتتارىنا ساي ساقتالادى. گەكسافتوريد دەگەنىمىز التى فتورلى ۋران جانە قاتتى ءارى 70 گرادۋس تەمپەراتۋرادا گاز كۇيىندە بولادى.
«ءۇلبى مەتاللۋرگيالىق زاۋىتى» ا ق نىساندارىنا جاڭعىرتۋ جۇمىستارى جۇرگىزىلدى. ماگاتە- ءنىڭ بانكتى اتالعان الاڭدا ورنالاستىرۋ شەشىمى زاۋىت قاۋىپسىزدىگىنىڭ وتە جوعارى ەكەندىگىن مويىنداۋىن، جۇمىسشىلارى تاجىريبەسى مەن كاسىپورىن جۇمىسى ساپاسىنىڭ قاتاڭ حالىقارالىق كريتەريلەر جانە جىكتەلىمدەرگە ساي ەكەندىگىن بىلدىرەدى. بۇل زاۋىتتىڭ حالىقارالىق نارىققا شىعۋى بارىسىندا جاقسى مۇمكىندىكتەر اشادى»، - دەدى ول.
ايتا كەتەيىك، بۇگىن ق ر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «ق ر ۇكىمەتى مەن اتوم ەنەرگياسى جونىندەگى حالىقارالىق اگەنتتىك اراسىنداعى قازاقستان رەسپۋبيلكاسىندا اتوم ەنەرگياسى جونىندەگى حالىقارالىق اگەنتتىكتىڭ تومەن بايىتىلعان ۋران بانكىن قۇرۋ تۋرالى كەلىسىمدى راتيفيكاتسيالاۋ تۋرالى» ق ر زاڭىنىڭ جوباسى تالقىلاندى.
ەستەرىڭىزگە سالا كەتسەك، 2015 -جىلدىڭ 27 - ساۋىرىندە قازاقستان ۇكىمەتى ءوز قاۋلىسىمەن ەلىمىزدە ماگاتە- ءنىڭ تومەن بايىتىلعان ۋران بانكىن «ءۇلبى مەتاللۋرگيالىق زاۋىتى» ا ق- ىندا ورنالاستىرۋ تۋرالى كەلىسىمگە قول قويۋدى ماقۇلداعان بولاتىن. سول جىلدىڭ 27 - تامىزىندا كەلىسىمگە قازاقستان تاراپىنان ەرلان ىدىرسوۆ پەن ماگاتە- ءنىڭ باس ديرەكتورى يۋكيا امانو قول قويعان ەدى.
اۆتور: مارلان جيەمباي
