قازاقستاننىڭ حالىق بانكى «قورعاس» ورتالىعىنان قارجى تاسىمالدايتىن بولدى
ونىڭ ءبىرىنشىسى قولما-قول تەڭگەنى تاسىمالداۋ (ينكاسساتسيالاۋ) مەن قىتايدىڭ بانكارالىق شەكارالىق تولەم جۇيەسىنە قىزمەت كورسەتۋمەن بايلانىستى. بۇل تۋرالى قازاقپارات تىلشىسىنە «قازاقستاننىڭ حالىق بانكى» ا ق قىتايداعى وكىلدىگىنىڭ جەتەكشىسى نۇرلان ياحياروۆ ايتتى.
قۇجاتقا قازاقستان تاراپىنان قازاقستان حالىق بانكىنىڭ باسقارما ءتوراعاسى ەرتاي ءسالىموۆ قول قويدى.
«بۇل قۇجات قارجى تاسىمالداۋمەن بايلانىستى. ياعني بولاشاقتا ءبىز ونىڭ تالاپتارى بويىنشا، قىتايدىڭ اۋىل شارۋاشىلىعى بانكىنىڭ شىڭجاڭدىق فيليالىنا «قورعاس» حالىقارالىق شەكارالىق ىنتىماقتاستىق ورتالىعىنان قارجى تاسىمالداۋ تۇرىندە قىزمەت كورسەتەمىز. ءبىز شەكارالىق ىنتىماقتاستىق ايماعىنىڭ ورتالىعىندا اينالىمدا جۇرگەن جانە «قارا» نارىقتا جۇرگەن قارجىنى تاسىمالداۋمەن اينالىسامىز. وسى ۋاقىتقا دەيىن بۇل جۇمىستاردى ەشكىم جۇزەگە اسىرعان جوق»، - دەدى ول.
ءتوراعانىڭ سوزىنشە، اتالعان كەلىسىم قىتايلىق كاسىپكەرلەردىڭ تەڭگەگە دەگەن سەنىمىن نىعايتىپ، «قورعاس» ايماعىنداعى ساۋدانىڭ جاندانۋىنا ىقپال ەتەدى.
«ەكىنشى كەلىسىم قولما-قول ەمەس تەڭگە-يۋان ترانشەكارالىق ترانساكتسيالارىنىڭ جەدەل جۇرۋىنە اسەر ەتەدى»، - دەدى ن. ياحياروۆ.
