ت م د ەلدەرى كوشباسشىلارىنىڭ مەرەيتويلىق كەزدەسۋى بىشكەكتە وتەدى

بىشكەك. قازاقپارات - بۇگىن ت م د مەملەكەت باسشىلارى قىرعىزستان استاناسىندا مەرەيتويلىق كەزدەسۋ وتكىزەدى. كەزدەسۋ «الا- ارچا» مەملەكەتتىك رەزيدەنتسياسىندا وتەدى.

شارا 15:00-دە باستالادى. فوتوعا ءتۇسۋ راسىمىنەن كەيىن قاتىسۋشىلار شاعىن قۇرامدا جابىق وتىرىسقا بارادى. مەملەكەت باسشىلارىنىڭ وتىرىسىنان كەيىن ولارعا دەلەگاتسيا قۇرامى قوسىلادى.

كۇن تارتىبىندە تىكەلەي مەملەكەت باسشىلارى تالقىلايتىن 15 ماسەلە قويىلعان، ونىڭ ىشىندە ت م د 25 جىلدىعىنا وراي بىرلەسىپ قابىلدايتىن جالپى مالىمدەمە، ت م د- نىڭ كەلەسى ءتوراعالىعى جانە ت م د مەملەكەتتەرى باسشىلارى كەڭەسىنىڭ كەزەكتى وتىرىسىن وتكىزۋ ورنى تۋرالى شەشىم قابىلداۋ، ت م د- نىڭ جاڭا سىن- قاتەرلەرگە بەيىمدەلۋى تۋرالى ماسەلەلەر بار. كەزدەسۋدە قاۋىپسىزدىك ماسەلەلەرىنە اسا نازار اۋدارىلىپ وتىر.

 كەزدەسۋدە ءبىرقاتار حالىقارالىق كەلىسىمشارتتارعا قول قويۋ جانە ت م د باسشىلارىنىڭ حالىقارالىق تەرروريزمگە قارسى كۇرەس بويىنشا بىرلەسىپ كۇش سالۋى، 2017-2019 -جىلدارعا ارنالعان تەرروريزمگە قارسى كۇرەس جانە ەكسترەميزمنىڭ باسقا دا زورلىق- زومبىلىق كورىنىستەرىمەن كۇرەستە ت م د ەلدەرىنىڭ ىنتىماقتاستىعى، 2016-2020 -جىلدارعا ارنالعان اقپاراتتىق تەحنولوگيالاردى پايدالانا وتىرىپ، جاسالعان قىلمىستارمەن كۇرەستە ىنتىماقتاستىق باعدارلاماسى تۋرالى ت م د مالىمدەمەسىن قابىلداۋ جوسپارلانۋدا.

 كەڭ فورماتتاعى وتىرىستا ت م د مەملەكەتتەرىندە 2020 - جىلى حالىق ساناعىن جۇرگىزۋ، 2017 -جىلدى - وتباسى جىلى، 2018 -جىلدى - ت م د- داعى مادەنيەت جىلى دەپ جاريالاۋ تۋرالى ەكى ماسەلە تالقىلانادى.