ق ر ىشكى ىستەر مينيسترلىگى قىلمىستىق سايتتارعا قارسى كيبەرجاساق قۇرماق

استانا. قازاقپارات - ق ر ءى ءى م سايتتارداعى قۇقىققا قايشى ارەكەتتەردى كەڭىنەن انىقتاۋ ماقساتىندا كيبەرجاساق قۇرۋ ماسەلەسىن تالقىلاۋدا.

بۇل تۋرالى بۇگىن استانادا وتكەن باسپا ءسوز ءماسليحاتىندا ق ر ءى ءى م ەسىرتكى بيزنەسىنە قارسى كۇرەس دەپارتامەنتىنىڭ باسشىسى سۇلتان قۇسەتوۆ ءمالىم ەتتى.

مينيسترلىك مالىمەتىنە قاراعاندا، ەسىرتكى بيزىنەسىنە قارسى كۇرەس دەپارتامەنتى ينتەرنەت-رەسۋرستارىن قولدانۋ ارقىلى ەسىرتكى وتكىزۋ فاكتىلەرىن انىقتاۋ جانە جولىن كەسۋ بويىنشا كۇن سايىن جۇمىستار جۇرگىزۋدە. زاڭسىز ەسىرتكى اينالىمىنا قاتىسى بار دەگەن سايتتار، الەۋمەتتىك جەلىلەر جانە دە باسقا ينتەرنەت رەسۋستار قاتاڭ باقىلانىپ وتىرادى.

«جىل باسىنان باستاپ 327 سايت انىقتالدى، ولاردىڭ 248 ءى سوتتىڭ شەشىمىمەن جابىلدى»، - دەدى س. قۇسەتوۆ.

ونىڭ ايتۋىنشا، ينتەرنەت رەسۋرستارى ارقىلى ەسىرتكىنى كەڭىنەن ساۋدالاۋ احۋالى بايقالىپ وتىرعان جوق.

«ينتەرنەت ارقىلى وتكىزۋ فاكتىلەرى بار، الايدا ءىرى اۋقىمدا تىركەلمەدى. ەسىرتكىگە قاتىستى جارناما ءجۇرىپ جاتقان سايتتاردى جەدەل انىقتاپ، ولاردى جابۋعا ارەكەت ەتەمىز. وسى رەتتە بارشا سايتتاردى قامتۋ بويىنشا بارىنشا كۇش-جىگەر جۇمساۋدامىز. قازىرگى كەزدە كيبەرجاساقتى قۇرۋ ماسەلەسىن قاراستىرىپ جاتىرمىز. مەنىڭ ويىمشا، ءبىز وسى باعىتتاعى ءتيىستى قادامداردى ازىرلەيمىز. كيبەرجاساقتىڭ قۇرامىنداعىلار قۇقىققا قايشى ارەكەتتەر جاساپ وتىرعان سايتتاردى انىقتاۋعا بىزگە كومەكتەسەتىن بولادى»، - دەدى دەپارتامەنت باسشىسى.

اۆتور: رۋسلان عابباسوۆ