مەملەكەت باسشىسى نۇرسۇلتان نازاربايەۆ جۇمىس ساپارىمەن اقمولا وبلىسىنا باردى
مەملەكەت باسشىسى شارۋاشىلىقتىڭ ەگىستىك القاپتارىن ارالاپ، اۋىل شارۋاشىلىعى تەحنيكالارى مەن ونىمدەرىنىڭ كورمەسىمەن تانىستى.
سەرىكتەستىك باسشىسى ۆيكتور كوۆاليەۆتىڭ ايتۋىنشا، شارۋاشىلىق وسى كۇنى ەگىنشىلىكپەن اينالىسۋدا. اۋىل شارۋاشىلىعى ماقساتىنداعى 11057 گەكتار جەردىڭ، 9382 گەكتارى ەگىستىك جانە 1453 گەكتارى جايلىمدىق. سەرىكتەستىك بيىلعى جىلى 8504 گەكتارعا ءداندى داقىلداردى سەپكەن. ونىڭ 6459 گەكتارى ءبيداي، 2045 گەكتارى ارپا. قازىرگى كەزدە ەگىن وراعى قارقىندى جۇرگىزىلۋدە. استىق شىعىمى دا جامان ەمەس. وتكەن جىلى سەرىكتەستىك ديقاندارى ءار گەكتارىنان ورتاشا ەسەپپەن 16,2 سەنتنەردەن استىق الدى. بيىلدا سول ۇردىستەن شىعۋ كوزدەلگەن.
سونىمەن قاتار، اۋىل شارۋاشىلىعى تاۋارلارىن وندىرۋشىلەرمەن كەزدەسكەن ەلباسى نۇرسۇلتان نازاربايەۆقا استىق داقىلدارىنىڭ احۋالى مەن جيىن- تەرىن ناۋقانىنىڭ بارىسى تۋرالى باياندالدى.
