يمانعالي تاسماعامبەتوۆ ق ر پرەمەر-ءمينيسترىنىڭ ورىنباسارى بولىپ تاعايىندالدى

استانا. قازاقپارات - مەملەكەت باسشىسى نۇرسۇلتان نازاربايەۆتىڭ جارلىعىمەن يمانعالي تاسماعامبەتوۆ قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالدى، دەپ حابارلايدى اقوردانىڭ باسپا ءسوز قىزمەتى.

تاسماعامبەتوۆ يمانعالي نۇرعالي ۇلى 1956-جىلى 9- جەلتوقساندا دۇنيەگە كەلگەن.

1979-جىلى ا. س. پۋشكين اتىنداعى ورال پەداگوگيكالىق ينستيتۋتىنىڭ جاراتىلىستانۋ-گەوگرافيا فاكۋلتەتىن، گەوگرافيا جانە بيولوگيا ماماندىعى بويىنشا ءتامامدادى.

قازاقستاننىڭ ل ك ج و و ك ءبىرىنشى حاتشىسى (1989-جىل) جانە قازاقستان رەسپۋبليكاسىنىڭ جاستار ىستەرى بويىنشا مەملەكەتتىك كوميتەتىنىڭ ءتوراعاسى (1991-جىل) لاۋازىمدارىندا قىزمەت ەتتى.

يمانعالي تاسماعامبەتوۆ 1993-جىلدان ق ر پرەزيدەنتىنىڭ كومەكشىسى بولىپ جۇمىس ىستەدى. 1994-جىلدان - ق ر پرەمەر-ءمينيسترىنىڭ ورىنباسارى. 1997-جىلدان ق ر پرەمەر-ءمينيسترىنىڭ ورىنباسارى - ق ر ءبىلىم جانە مادەنيەت ءمينيسترى. 1997-جىلدان ق ر پرەزيدەنتى اكىمشىلىگىنىڭ باسشىسى - ق ر پرەزيدەنتى اكىمشىلىگى ۇيىمداستىرۋ-باقىلاۋ ءبولىمىنىڭ مەڭگەرۋشىسى. 1998-جىلدان - ق ر پرەزيدەنتىنىڭ ءبىرىنشى كومەكشىسى. 1999-جىلدان - اتىراۋ وبلىسىنىڭ اكىمى. 2000-جىلدىڭ جەلتوقسانىنان - ق ر پرەمەر-ءمينيسترىنىڭ ورىنباسارى. 2002-جىلدان - ق ر پرەمەر-ءمينيسترى. 2003-جىلدان ق ر مەملەكەتتىك حاتشىسى. 2004-جىلى ق ر پرەزيدەنت اكىمشىلىگىنىڭ باسشىسى بولىپ تاعايىندالدى. 2004-جىلدىڭ جەلتوقسانىنان 2008-جىلدىڭ ساۋىرىنە دەيىن - الماتى قالاسىنىڭ اكىمى. 2008-جىلدىڭ ساۋىرىنەن 2014-جىلدىڭ قازانىنا دەيىن - استانا قالاسىنىڭ اكىمى. 2014-جىلدىڭ قازانىنان ق ر قورعانىس ءمينيسترى.