ەلباسى ءتورت وبلىستىڭ اكىمدەرىن قابىلدادى
اقوردانىڭ باسپا ءسوز قىزمەتى حابارلاۋىنشا، ەلباسى اۋەلى باتىس قازاقستان وبلىسىنىڭ اكىمى التاي كولگىنوۆتى قابىلدادى.
كەزدەسۋدە وڭدەۋ ونەركاسىبى مەن اۋىل شارۋاشىلىعىن دامىتۋ، سونداي- اق، ءوڭىردىڭ ەكونوميكاسىن ودان ءارى ءارتاراپتاندىرۋ پەرسپەكتيۆالارى قاراستىرىلدى.
ا. كولگىنوۆ مەملەكەت باسشىسىن ءوڭىردىڭ الەۋمەتتىك- ەكونوميكالىق كورسەتكىشتەرى، مەملەكەتتىك باعدارلامالاردىڭ جۇزەگە اسىرىلۋ بارىسى، سونداي- اق الداعى كەزەڭدەگى وزەكتى مىندەتتەر جونىندە حاباردار ەتتى.
مەملەكەت باسشىسى كەزدەسۋ قورىتىندىسى بويىنشا ءبىرقاتار ناقتى تاپسىرما بەردى.
سونداي- اق، مەملەكەت باسشىسى پاۆلودار وبلىسىنىڭ اكىمى بولات باقاۋوۆتى قابىلدادى.
كەزدەسۋدە وبلىستىڭ نەگىزگى الەۋمەتتىك- ەكونوميكالىق كورسەتكىشتەرى جانە تاياۋ كەزەڭدەگى دامۋ پەرسپەكتيۆالارى قاراستىرىلدى.
ب. باقاۋوۆ قازاقستان پرەزيدەنتىنە وڭىردەگى ونەركاسىپتىڭ ءوسۋ قارقىنى، ونىڭ ىشىندە كەن ءوندىرۋ، مەتاللۋرگيا جانە ەنەرگەتيكا سالالارىنداعى احۋال جونىندە باياندادى.
سونىمەن قاتار، اگروونەركاسىپتىك كەشەندى جانە اۋىل شارۋاشىلىعى جەرلەرىن سۋاراتىن يرريگاتسيالىق نىسانداردى ودان ءارى دامىتۋ جونىندەگى شارالار تالقىلاندى.
مەملەكەت باسشىسى كەزدەسۋ قورىتىندىسى بويىنشا ءبىرقاتار ناقتى تاپسىرما بەردى.
بۇدان بولەك قازاقستان پرەزيدەنتى قاراعاندى وبلىسىنىڭ اكىمى نۇرمۇحامبەت ابدىبەكوۆتى قابىلدادى.
نۇرسۇلتان نازاربايەۆ كەزدەسۋ بارىسىندا بۇگىندە ءوڭىر دامۋىندا ەرەكشە كوڭىل ءبولۋدى قاجەت ەتىپ وتىرعان ءبىرقاتار وزەكتى باعىتتاردى اتاپ كورسەتتى. ماسەلەن، حالىقتى جۇمىسپەن قامتاماسىز ەتۋ، ونەركاسىپتىك نىسانداردى دامىتۋ جانە ءىرى ينۆەستيتسيالىق جوبالاردى جۇزەگە اسىرۋ ماسەلەلەرى تالقىلاندى.
ن. ابدىبەكوۆ مەملەكەت باسشىسىنا ءوڭىردى دامىتۋدىڭ نەگىزگى الەۋمەتتىك- ەكونوميكالىق كورسەتكىشتەرى، وزەكتى مەملەكەتتىك باعدارلامالاردى جۇزەگە اسىرۋ بارىسى، سونداي- اق الداعى كەزەڭدەگى جوسپارلارى جونىندە مالىمدەدى.
مەملەكەت باسشىسى كەزدەسۋ قورىتىندىسى بويىنشا ءبىرقاتار ناقتى تاپسىرما بەردى.
سونداي- اق، ەلباسى وڭتۇستىك قازاقستان وبلىسىنىڭ اكىمى بەيبىت اتامقۇلوۆتى قابىلدادى.
كەزدەسۋ بارىسىندا ءوڭىردى الەۋمەتتىك- ەكونوميكالىق تۇرعىدان دامىتۋ، ونىڭ ىشىندە اۋىل شارۋاشىلىعى، وڭدەۋ سالاسى، حالىقتى جۇمىسپەن قامتاماسىز ەتۋ ماسەلەلەرى تالقىلاندى.
نۇرسۇلتان نازاربايەۆ وبلىستىڭ ينۆەستيتسيالىق تارتىمدىلىعىن ارتتىرۋ، شاعىن جانە ورتا كاسىپكەرلىك نىساندارىن قولداۋ جونىندەگى مىندەتتەردىڭ ورىندالۋىن جالعاستىرۋدى تاپسىردى.
مەملەكەت باسشىسى كەزدەسۋ قورىتىندىسى بويىنشا ءبىرقاتار ناقتى تاپسىرما بەردى.
