ۇكىمەتتە ايتا قويارلىقتاي وزگەرىستەر بولا قويمايدى - نۇرسۇلتان نازاربايەۆ
بۇل تۋرالى بۇگىن اقوردادا ءوتىپ جاتقان ۇكىمەتتىڭ كەڭەيتىلگەن وتىرىسىندا ەلباسى نۇرسۇلتان نازاربايەۆ ءمالىم ەتتى.
«ۇكىمەتتە جالپى وزگەرىستەردىڭ بولىپ جاتقانىن ەستىپ، ءبىلىپ وتىرسىزدار. ونىڭ وزىندىك لوگيكاسى بار. بۇل - بىرىنشىدەن. ەكىنشىدەن - قاۋىپسىزدىك ماسەلەسىن كۇشەيتۋ، نىعايتۋ ماسەلەسى دە بار. سودان كەيىن مەن كارىم ءماسىموۆتى ءوزىنىڭ كەلىسىمى بويىنشا سول ۇلكەن قاجەتتى جەرگە تاعايىندادىم. تاجىريبەسى بار. رەسپۋبليكانىڭ جاعدايىن بىلەدى دەپ تاعايىندادىم. پرەمەر-ءمينيستردى قىزمەتىنەن بوساتۋىما بايلانىستى قازىر ۇكىمەت وتستاۆكادا. كوپ سوزباي ءبارىن شەشەتىن بولامىز. جاڭا باسشىلاردى دا، جاڭا مينيسترلەردى دە. ونشا كوپ وزگەرىستەر بولا قويماس دەپ ويلايمىن. سەبەبى ۇكىمەت قيىن-قىستاۋ جاعدايدا جۇكتەلگەن تاپسىرمانى ورىنداپ جاتىر»، - دەدى ن. نازاربايەۆ.
اۆتور: مارلان جيەمباي
