13:17, 08 - قىركۇيەك 2016 | GMT +5
قازان ايىندا ەلباسى يوردانياعا ساپارمەن بارادى
استانا. قازاقپارات - الداعى قازان ايىندا ق ر پرەزيدەنتى نۇرسۇلتان نازاربايەۆ يوردانياعا ساپارمەن بارادى.
بۇل تۋرالى بۇگىن استانادا ساۋدا-ەكونوميكالىق جانە مادەني-گۋمانيتارلىق ىنتىماقتاستىق جونىندەگى قازاقستان-يوردانيا ۇكىمەتارالىق كوميسسيانىڭ ءتورتىنشى وتىرىسىندا ءمالىم بولدى.
«مەملەكەت باسشىسىنىڭ يوردانياعا رەسمي ساپارى 2016-جىلدىڭ قازانىنا جوسپارلانىپ وتىر»، - دەدى ق ر اۋىل شارۋاشىلىعى ۆيتسە-ءمينيسترى ەرمەك كوشەربايەۆ.
اتاپ ايتقاندا، ساپار بارىسىندا ازاماتتىق قورعانىس پەن توتەنشە جاعدايلاردى جويۋ سالاسىندا جانە لاڭكەستىكپەن، ۇيىمداسقان قىلمىسپەن، ەسىرتكىنىڭ زاڭسىز اينالىمىمەن كۇرەس سالالارىندا ىنتىماقتاستىق تۋرالى قۇجاتتارعا قول قويىلۋى جوسپارلانۋدا.
اۆتور: رۋسلان عابباسوۆ
