حالىقارالىق «قازاقپارات» اگەنتتىگى ەلدىڭ باستى اقپارات جارشىسىنا اينالادى - قازكونتەنت
بۇل تۋرالى «قازكونتەنت» ا ق باسقارما ءتوراعاسى اسقار احمەتوۆ ءمالىم ەتتى.
«بۇگىنگى تاڭدا ەلدە ەكى مەملەكەتتىك اقپارات اگەنتتىگى بار، ولار - «قازاقپارات» ح ا ا مەن Bnews.kz. ارينە، ەكى مەملەكەتتىك اگەنتتىك اراسىندا باسەكەلەستىك بولعانى دۇرىس ەمەس. وسى ورايدا، مينيسترلىك اتالمىش ەكى اگەنتتىكتى اجىراتۋ بويىنشا مىندەتتەر قويدى. وسى سەبەپتەن ءبىز ولاردىڭ اراسىنداعى باسەكەلەستىكتەن الشاق كەتتىك»، - دەپ اتاپ ءوتتى ا. احمەتوۆ.
ونىڭ ءسوزى بويىنشا، «كوپ جىلعى تاجىريبەسىن ەسكەرە وتىرىپ، «قازاقپارات» ح ا ا ەلدىڭ باستى جاڭالىقتار جارشىسى رەتىندە، اقپارات اگەنتتىگى بولىپ قالا بەرەدى.
ال Bnews.kz باسقا سەگمەنتكە - جاڭالىقتاردى تۇسىندىرۋگە ءمان بەرمەك. ونىڭ قىزمەتى - تالدامالى ماتەريالدارعا، سۇحبات، ساۋالناما، ساراپتاما مەن مۋلتيمەديالىق ماتەريالدارعا نەگىزدەلەدى.
«جاڭا فورماتقا سايكەس، Bnews سايتىنىڭ ديزاينى قايتا جاسالادى. مەنىڭشە، قازان نەمەسە قاراشا ايىندا تانىستىرامىز»، - دەپ اتاپ ءوتتى ول.
ا. احمەتوۆتىڭ حابارلاۋىنشا، «قازكونتەنت» ا ق بيىل كومپانيانىڭ جەكە جوبالارى اياسىندا كونتەنتتىڭ ساپاسىن ارتتىرۋعا كوپ ماڭىز بەرەدى.
«مەملەكەتتىك رەسۋرستاردىڭ جاڭعىرتىلۋى ولاردىڭ تيىمدىلىگىن ارتتىرۋعا باعىتتالادى، وسىلايشا ولاردىڭ باسەكەلەستىك ورتادا قىزمەت ەتۋىنە جول اشىلادى. بۇگىنگى تاڭدا بىزدە 2009-جىلدان بەرى جۇمىس جاساپ كەلە جاتقان 8 جەكە جوبامىز بار. ولار - bnews.kz, bag.kz, el.kz, kaztube, adibiportal, E-HISTORY.KZ, pm.kz, strategy2050.kz." »، - دەپ ءتۇيدى ويىن كومپانيا باسشىسى.
ايتا كەتەيىك، ينتەرنەت جەلىسىندە قازاقستاندىق سەگمەنت پەن ۇلتتىق كونتەنتتى دامىتۋ ماقساتىندا 2009-جىلى «قازكونتەنت» ا ق قۇرىلعان بولاتىن. «اقپاراتتىق قازاقستان-2020» باعدارلاماسى اياسىندا جۇزەگە اسىپ جاتقان كومپانيا جوبالارىنىڭ ءبىرى - «باسپا ب ا ق- تىڭ ينتەرنەتكە ءوتۋى». قازىرگى ۋاقىتتا 2213 وتاندىق باسىلىمنىڭ 50 پايىزى اتالمىش جوباعا قاتىسۋعا نيەت تانىتتى. وسىلايشا، 1200 گە جۋىق گازەت-جۋرنالدىڭ ينتەرنەتتە ونلاين-نۇسقاسى شىعاتىن بولدى.
اۆتور: جاسۇلان جولدىبايەۆ
