استانادان «جاسىل ەنەرگەتيكانى» دامىتۋداعى قۋاتتى يمپۋلس بارشا الەمگە تاراۋدا
«ءبىزدىڭ Greenpeace ۇيىمىمى قازاقستان پرەزيدەنتىنىڭ G20-عا مۇشە مەملەكەتتەردى استانادا وتەتىن حالىقارالىق مامانداندىرعان كورمە اياسىندا جەكە شارا وتكىزۋ ارقىلى ەكسپو-2017-گە بەلسەندى قاتىسۋعا شاقىرۋىن قولدايدى. ەكسپو-207 تاقىرىبى «بولاشاق ەنەرگياسى» ، ياعني، قورشاعان ورتاعا بالاما، دوستىق قارىم- قاتىناستى دامىتۋ. ءبىز استانادان «جاسىل ەنەرگەتيكانى» دامىتۋداعى جانە قورشاعان ورتانى قورعاۋدا قۋاتتى يمپۋلس بارشا الەمگە تاراپ جاتقانىن كورىپ وتىرمىز»، - دەدى ول.
ونىڭ ايتۋىنشا، Greenpeace ەكسپو-2017 كورمەسىن اسىعا كۇتەتىن بولادى.
ەسكە سالساق، 1- قىركۇيەكتە ن. نازاربايەۆ ق ح ر ءتوراعاسى شي جينپيڭنىڭ شاقىرۋىمەن G20 سامميتىنە قاتىسۋ ءۇشىن قىتايعا كەلدى. ءبىرىنشى سەسسيادا مەملەكەت باسشىسى جاھاندىق ەكونوميكا ماسەلەلەرىن شەشۋ جولدارى تۋرالى ءوز بولجامدارىن ايتتى.
نۇرسۇلتان نازاربايەۆ «G-20» سامميتىندە بارلىق مەملەكەتتەردى «ەكسپو-2017» حالىقارالىق مامانداندىرىلعان كورمەسىنە بەلسەندى قاتىسۋعا شاقىرىپ، ونىڭ اياسىندا ۇلكەن جيىرمالىقتىڭ قامقورلىعىمەن ارنايى شارا وتكىزۋدى ۇسىندى.
«قازاقستان ب ۇ ۇ- نىڭ تۇراقتى دامۋ ماقساتتارىن، پاريج كەلىسىمىن جانە «جاسىل ەكونوميكا» ۇستانىمدارىن جۇزەگە اسىرۋعا بەلسەندى جاردەمىن بەرەدى. وعان 2017 -جىلى استانادا «بولاشاق ەنەرگياسى» تاقىرىبىمەن وتەتىن «ەكسپو» حالىقارالىق كورمەسى دە سەپتىگىن تيگىزەدى. مۇنىمەن قاتار ءبىز «استانا» حالىقارالىق قارجى ورتالىعىن قۇرامىز. بارلىق مەملەكەتتەردى استاناداعى «ەكسپو» كورمەسىنە بەلسەندى قاتىسۋعا شاقىرامىن. ونىڭ اياسىندا «G-20» قامقورلىعىمەن سايكەسىنشە ءىس- شارالار وتىزۋگە دە بولار ەدى»، - دەدى ق ر پرەزيدەنتى.
اۆتور: مارلان جيەمباي
