مەملەكەتتىك باعدارلاما ارقىلى قولجەتىمدى باسپاناعا قالاي قول جەتكىزۋگە بولادى

استانا. قازاقپارات - حالىقتى قولجەتىمدى تۇرعىن ۇيمەن قامتاماسىز ەتۋ - مەملەكەتتىڭ باستى مىندەتى.

وسى رەتتە ەلىمزدىڭ ۇلتتىق ەكونوميكا مينيسترلىگى باسپانا ماسەلەسىن شەشۋگە قانداي باعدارلامالار مەن تەتىكتەر كومەك بەرە الاتىنىن ءتۇسىندىردى.

سونىمەن، ءبىرىنشىسى - جەرگىلىكتى اتقارۋشى ورگانداردا كەزەكتە تۇرعان ازاماتتار ءۇشىن سالىناتىن جالعا بەرىلەتىن تۇرعىن ءۇي. تۇرعىن ءۇيدى ءبولۋ جۇمىسىن كەزەك تارتىبىندە جەرگىلىكتى اتقارۋشى ورگانداردىڭ جانىنداعى تۇرعىن ءۇي كوميسسيالارى جۇزەگە اسىرادى. 2016-جىلى 754 تۇرعىن ءۇي سالۋ جوسپارلاندى.

ەكىنشىسى - تۇرعىن ءۇي قۇرىلىس جيناق جۇيەسى ارقىلى ىسكە اسىرۋ ءۇشىن جەرگىلىكتى اتقارۋشى ورگانداردىڭ جانە «بايتەرەك ديەۆەلوپمەنت» ا ق- تىڭ كرەديتتىك تۇرعىن ءۇيى. كرەديتتىك تۇرعىن ءۇي ق ت ق ج ب سالىمشىلارى مەن جەرگىلىكتى اتقارۋشى ورگانداردا كەزەكتە تۇرعانداردىڭ اراسىندا بولىنەدى. رەسپۋبليكالىق بيۋدجەتتەن قارجىلاندىرۋ كەزىندە قۇرىلىستىڭ ءبىر شارشى مەترىنىڭ قۇنى استانا جانە الماتى قالالارىندا 142,5 مىڭ تەڭگەنى، قالعان وڭىرلەردە 110 مىڭ تەڭگەنى قۇرايدى. جەرگىلىكتى اتقارۋشى ورگاندار وبليگاتسيالار شىعارۋ ەسەبىنەن قارجىلاندىرۋ كەزىندە ءبىر شارشى مەتردىڭ قۇرىلىسىنىڭ قۇنى استانا جانە الماتى قالالارىندا 180 مىڭ تەڭگەنى، وڭىرلەردە - 140 مىڭ تەڭگەنى قۇرايدى.

ءۇشىنشىسى - ت ۇ ق ج جۇيەسى ارقىلى ىسكە اسىرۋ ءۇشىن «بايتەرەك ديەۆەلوپمەنت» ا ق كرەديتتىك تۇرعىن ءۇيى. كرەديتتىك تۇرعىن ءۇي ق ت ۇ ق ج ب سالىمشىلار اراسىندا بولىنەدى. «بايتەرەك ديەۆەلوپمەنت» ا ق ارقىلى قۇرىلىستىڭ ءبىر شارشى مەترىنىڭ قۇنى استانا جانە الماتى قالالارىندا 200 مىڭ تەڭگەنى، وڭىرلەردە - 180 مىڭ تەڭگەنى قۇرايدى.

ءتورتىنشىسى - ق ت ۇ ق ج ب ارقىلى جاس وتباسىلار ءۇشىن جالعا بەرىلەتىن تۇرعىن ءۇي. تۇرعىن ءۇي ق ت ق ج ب سالىمشىلارى سانىنان، ەكى جىلدان كەم ەمەس نەكەدە تۇرعان جانە جۇبايلاردىڭ ەكەۋىنىڭ جاسى 29 عا تولماعان جاس وتباسىلارعا بولىنەدى. قۇرىلىس جەرگىلىكتى اتقارۋشى ورگاندارىمەن جۇرگىزىلەدى. وسى باعىت بويىنشا اعىمداعى جىلى شامامەن 400 پاتەر پايدالانۋعا بەرىلەدى. ءبىر شارشى مەتردىڭ قۇنى استانا جانە الماتى قالالارىندا 142,5 مىڭ تەڭگەنى، باسقا وڭىرلەردە - 110 مىڭ تەڭگەنى قۇرايدى.

بەسىنشىسى - «قازاقستان يپوتەكالىق كومپانياسى» ا ق- تىڭ جالعا بەرىلەتىن تۇرعىن ءۇيى. تۇرعىن ءۇيدىڭ 50 پايىزى 35 جاسقا تولماعان، جەرگىلىكتى اتقارۋشى ورگانداردا كەزەكتە تۇرعاندار ءۇشىن سالىنادى، قالعان 50 پايىزى باسقا كەزەكتە تۇرعان ازاماتتار اراسىندا بولىنەدى. ءبىر شارشى مەتردىڭ قۇنى استانا جانە الماتى قالالارىندا 200 مىڭ تەڭگەنى، وڭىرلەردە 180 مىڭ تەڭگەنى قۇرايدى.

التىنشىسى - «جىلجىمايتىن مۇلىك قورى» ا ق- تىڭ كوممەرتسيالىق تۇرعىن ءۇيى. تۇرعىن ءۇي شەكتەۋسىز حالىقتىڭ كەز كەلگەن ساناتىنا جۇزەگە اسىرىلادى. 2016-جىلى وسى باعىت بويىنشا ۇلتتىق قوردان 97 ميلليارد تەڭگە ءبولىندى. شامامەن 11 مىڭ پاتەر سالۋ جوسپارلانىپ وتىر. ءبىر شارشى مەتردىڭ ساتۋ قۇنى استانا مەن الماتى قالالارىندا 288 مىڭ تەڭگەنى، وڭىرلەردە - 240 مىڭ تەڭگەنى قۇرايتىن بولادى.

جەتىنشىسى - «جىلجىمايتىن مۇلىك قورى» اق ارقىلى جالعا بەرىلەتىن تۇرعىن ءۇي. تۇرعىن ءۇي جەرگىلىكتى اتقارۋشى ورگانداردا كەزەكتە تۇرعاندارعا كەيىن ساتىپ الۋمەن جالعا نەمەسە تىكەلەي ساتىپ الۋ جولىمەن ۇسىنىلادى.

سەگىزىنشىسى - «بايتەرەك ديەۆەلوپمەنت» ا ق ارقىلى جالعا بەرىلەتىن تۇرعىن ءۇي. تۇرعىن ءۇي زاڭناماسىمەن ايقىندالعان كەزەكتىلىك تارتىبىندە ساتىپ الۋ نەمەسە ساتىپ الۋسىز جالعا بەرىلەتىن تۇرعىن ءۇي جەرگىلىكتى اتقارۋشى ورگانداردىڭ كەزەكتە تۇرعان ازاماتتارعا بەرىلەدى.

اۆتور: مارلان جيەمباي