دجەك ما قازاقستان پرەزيدەنتىنەن ءوزىنىڭ ىستىق ءىلتيپاتىن ءبىلدىردى
«ءبىز سىزبەن استانادا كەزدەسكەن بولاتىنبىز، بۇگىن مىنە وسى جەردە كەزدەسىپ وتىرمىز. «سامۇرىق-قازىنا» وكىلدەرى سىزدەرمەن قازاقستانداعى ىنتىماقتاستىق جايلى، ورتالىق ازيا، رەسەي، شىعىس ەۋروپا ەلدەرىندە جۇمىستاردى تاراتۋ ءۇشىن قازاقستاندا كومپانيانىڭ فيليالىن قۇرۋ مۇمكىندىگىن تالقىلاعان»، - دەدى كەزدەسۋدە ن. نازاربايەۆ.
دجەك ما قازاقستان پرەزيدەنتىنەن ءوزىنىڭ ىستىق ءىلتيپاتىن ءبىلدىردى.
«ۋاقىت بولگەنىڭىز ءۇشىن راحمەت! ءسىزدى بۇگىنگى تاڭدا بارشا قازىرگى ۇرپاق وكىلىنىڭ ءپىرى دەسە بولادى. قازاقستان ءسىزدىڭ مىقتى كوشباسشىلىعىڭىز بەن باسشىلىعىڭىزدىڭ ارقاسىندا ۇلكەن جەتىستىكتەرگە جەتۋدە، ءسىزدى قاتتى قۇرمەت تۇتامىن»، - دەدى ول.
Alibaba باسشىلىعى كومپانيانىڭ قىزمەتى جايلى ايتتى.
«ءى ج و» تۇرعىسىنان كومپانيامىز بارشا الەم بويىنشا 20- ورىندا.
سونداي-اق ينتەرنەت- الادا ا ق ش، قىتاي، ە و جانە جاپويادان كەيىن الەمدەگى 5- ءىرى ەكونوميكاعا قول جەتكىزگىمىز كەلەدى. وسى جاعىنان قازاقستان اسا ماڭىزدى. مەن قازاقستاندا بولدىم، ەكى رەت ق ر پرەمەر-مينيسترىمەن جولىقتىم. قازاقستاندا مۇناي-گاز سالاسىنان قىزمەت كورسەتۋ سەكتورىنا ءوتىپ، شاعىن جانە ورتا بيزنەستى ايرىقشا نازارعا الۋدى كوزدەپ وتىرمىز»، - دەپ اتاپ ءوتتى ول.
«بۇدان باسقا، ءبىز قازاقستاندىق تاۋارلاردى قىتايعا ساتامىز»، - دەپ اتاپ ءوتتى ول.
ن. نازاربايەۆ قازاقستاندا Alibaba قىزمەتىن دامىتۋدى قولدايتىنىن ءبىلدىردى.
