اقوردا نازاربايەۆ وزبەكستانعا بارادى دەگەن مالىمەتكە قاتىستى پىكىر ءبىلدىردى
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جۇمىس كەستەسىنە جۋىق ارادا وزگەرىستەر ەنگىزۋ جوسپارلانباعان. بۇل تۋرالى اقوردانىڭ فەيسبۋكتەگى پاراقشاسىندا حابارلاندى.
«پرەزيدەنتتىڭ باسپاءسوز قىزمەتى قازىرگى ۋاقىتتا مەملەكەت باسشىسىنىڭ G-20 سامميتىنە قاتىسۋ ءۇشىن ق ح ر- دا جۇمىس ساپارىمەن جۇرگەنىن حابارلايدى. ەلباسىنىڭ جۇمىس كەستەسىنە جۋىق ارادا وزگەرىستەر ەنگىزۋ جوسپارلانباعان»، دەلىنگەن حابارلامادا.
ال كەيبىر ب ا ق- تار قازاقستان پرەزيدەنتى وزبەكستانعا ەرتەڭ بارادى دەگەن مالىمەتتى تاراتقان بولاتىن.
ەسكە سالايىق، بۇگىن وزبەكستان ۇكىمەتى ەل پرەزيدەنتى يسلام كارىموۆتىڭ اۋىر جاعدايدا جاتقانىن مالىمدەگەن بولاتىن.
