قازاقستاندا تەرروريستىك قاۋىپ-قاتەرگە بايلانىستى حابارلامالار قابىلدايتىن ءبىرىڭعاي نومەر بەلگىلەندى
ەگەر جوسپارلانىپ جاتقان تەرروريستىك اكتىلەرى تۋرالى بىلسەڭىز، نەمەسە راديكالدى توپتاردىڭ ادامداردى وزىنە تارتۋ، كوندىرۋ ارەكەتتەرىنە تاپ بولساڭىز، نە بولماسا ونىڭ كۋاگەرى بولساڭىز، تەرروريزم مەن ءدىني ەكسترەميزمدى ناسيحاتتايتىن ادەبيەتتى تاراتۋ تۋرالى بىلسەڭىز، «110» نومەرىنە حابارلاسىڭىزدار. وسى نومەر بويىنشا قازاقستاننىڭ كەز كەلگەن ايماعىنان كەلىپ تۇسكەن قوڭىراۋ اۋماقتىق بەلگىسى بويىنشا ۇ ق ك دەپارتامەنتتەرىنىڭ كەزەكشىلىك قىزمەتتەرىنە جولدانادى.
ەسكە سالايىق، قاۋىپسىزدىك كەڭەسىنىڭ 2016-جىلعى 10- ماۋسىمداعى حاتتامالىق تاپسىرماسىمەن وبلىستاردىڭ، استانا مەن الماتى قالالارىنىڭ اكىمدەرىنە ءى ءى م، ۇ ق ك، سونداي-اق، اقپارات جانە كوممۋنيكاتسيا مينيسترلىگىمەن جەرگىلىكتى جەرلەردە تەرروريزمگە قارسى «قاۋىرت» جەلىلەر اشۋ بويىنشا شارالار قابىلداۋ تاپسىرىلدى.
قازىرگى كەزدە ۇقك كەلىسىمگە قول جەتكىزگەن اۋداندىق، قالالىق تەلەفونداردان جانە «Beeline» موبيلدى وپەراتورىنىڭ نومەرلەرىنەن تەگىن قوڭىراۋ شالۋعا بولادى. باسقا بايلانىس وپەراتورلارىمەن كەلىسسوزدەر جۇرگىزىلۋدە.
