قاجىلاردى ساۋد ارابياسىندا ۆيرۋستىق اۋرۋلاردان ساق بولۋدى ەسكەرتتى

استانا. قازاقپارات - تۇتىنۋشىلاردىڭ قۇقىقتارىن قورعاۋ كوميتەتى ساۋد ارابياسىندا قاجىلىق كەزىندە ۆيرۋستىق اۋرۋلار جۇقتىرىپ الۋ قاۋپى بارىن حابارلادى.

تۇتىنۋشىلاردىڭ قۇقىقتارىن قورعاۋ كوميتەتى قازاقستان رەسپۋبليكاسى مادەنيەت جانە سپورت مينيسترلىگى ءدىني ىستەرى كوميتەتىنىڭ مالىمەتى بويىنشا ساۋد اراۆياسى كورولدىككە قازاقستاندىقتاردىڭ قاجىلىققا بارۋى 2016-جىلعى قىركۇيەك ايىندا باستالادى.

قاجىلىققا جىل سايىن الەمنىڭ 160 ەلدەرىنەن 2 ميلليون استام ادام قاتىسادى، ونىڭ 3-4 مىڭى قازاقستان رەسبۋليكاسىنان.

«ەلدە كوروناۆيرۋستىق ينفەكتسيا بويىنشا ەپيدەميولوگيالىق جاعداي قولايسىز بولىپ وتىر. دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرى بويىنشا 2012-جىلدان باستاپ وسى ۋاقىتقا دەيىن تاياۋ شىعىس رەسپيراتورلىق سيندرومى كوروناۆيرۋسىمەن سىرقاتتانۋدىڭ زەرتحانالىق راستالعان 1791 جاعدايى تىركەلگەن، ونىڭ 640 ى ولىممەن اياقتالعان، سىرقاتتانۋدىڭ %80 ساۋد اراۆيادا، ونىڭ ىشىنەن اعىمدى جىلى 156 جاعداي تىركەلىپ، 26 ى ءولىم جاعدايىمەن اياقتالدى»، - دەلىنگەن كوميتەت حابارلاماسىندا.

كوروناۆيرۋستى ينفەكتسيا - بۇل ايقىن ينتوكسيكاتسيا جانە رەسپيراتورلى تراكتىنىڭ جوعارى بولىگىن زاقىمداۋمەن (رينيت كوپ مولشەردە سەروزدى بولىنۋىمەن، السىزدىك، سىرقاتتىق، تاماعىنىڭ قىشۋى، قۇرعاق جوتەل) سيپاتتالاتىن رەسپيراتورلىق اۋرۋ. اۋىر اعىمى كەزىندە پنيەۆمونيا قوسىلىپ، ءولىم جاعدايىنا الىپ كەلۋى مۇمكىن. سانيتاريالىق- ەپيدەميولوگيالىق قىزمەت جىل سايىن قاجىعا بارۋ ماسەلەلەرىمەن اينالىساتىن مۇسىلمانداردىڭ ءدىن باسقارماسى وكىلدەرىمەن، تۋروپەراتورلارىمەن قاجىعا بارۋشىلاردى مىندەتتى تۇردە ەگۋدى جۇرگىزۋگە باعىتتالعان جۇمىس جۇرگىزەدى، قاجىعا بارۋ جانە قايتۋ كەزىندە وتكىزۋ پۋنكتتەرىندە سانيتاريالىق-كارانتيندىك باقىلاۋدى كۇشەيتۋ بويىنشا شارالار قولدانىلادى.

قاجىعا بارۋشىلاردا بۇرىشتاما الۋ ءۇشىن نەگىزگى تالاپ - مەنينگوكوكك ينفەكتسياسىنا قارسى تورتۆالەنتتى ۆاكتسينامەن ەگىلۋى تۋرالى حالىقارالىق سەرتيفيكاتتىڭ بولۋى. قازىرگى ۋاقىتتا مەنينگوكوكك ينفەكتسياسىنا قارسى ۆاكتسيناتسيا استانا («فارماكوم» كلينيكاسى، مايلين ك. , 15)، الماتى («MS Help» ەمحاناسى، قاراساي باتىر ك. , 30, دوستىق ك. قيىلىسى؛ «فارماكوم» كلينيكاسى، بۋزۋربايەۆ ك. , 23, گوگول ك. قيىلىسى) جانە شىمكەنت («تساحيت» كلينيكاسى، يليايەۆ ك. , 51) قالالارىندا وتكىزىلۋدە.

كوميتەتتىڭ حابارلاۋىنشا، بۇگىنگى كۇنگە قاجىعا باراتىن 1538 ادامعا ۆاكتسينا ەگىلدى.

«قاجىلىقتا بولعان كەزدە ادامدار كوپ جينالاتىن جەرلەردە جەكە باس پروفيلاكتيكاسى شارالارىن ساقتاۋ قاجەت: - قولدى سابىنمەن ءجيى جۋۋ، دەزينفەكتسيالىق سالفەتكالاردى پايدالانۋ؛ - جوتەلگەن جانە تۇشكىرگەن كەزدە سالفەتكانى پايدالانۋ؛ - اۋىرعاندارمەن قاتىناسپاۋ جانە ولاردىڭ جەكە زاتتارىن پايدالانباۋ؛ - ادامدار كوپ جينالاتىن جەرلەردە مۇمكىندىگىنشە ءبىر رەت قولدانىلاتىن بەتپەردەنى پايدالانۋ؛ - تۇيەلەر كوپ جينالاتىن جەرلەرگە جاقىنداماۋ جانە ولارمەن تىكەلەي قاتىناستان اۋلاق بولۋ؛ - قايناماعان جانە پاستەريزاتسيالانباعان تۇيە ءسۇتىن پايدالانباۋ، سونىمەن بىرگە ۇيىمداستىرىلماعان ساۋدا ورىنداردا تاماق ونىمدەرىن ساتىپ الماۋ؛ - سىرقاتتانۋ كورىنىستەرى پايدا بولعاندا دارىگەرگە قارالۋ قاجەت؛ - قايتىپ كەلگەن كەزدە اۋرۋدىڭ ءارتۇرلى سيمپتومدارى (قالتىراۋ، تەمپەراتۋرانىڭ جوعارىلاۋى، سىرقاتتانۋ، تاماعىنىڭ اۋرۋى جانە باسقالار) پايدا بولعان جاعدايدا جاقىندا قاجىلىققا بارعانى تۋرالى دارىگەردى ەسكەرتىپ، تەزارادا مەديتسينالىق مەكەمەگە جۇگىنۋ قاجەت، - دەلىنەدى حابارلامادا.

اۆتور: جاسۇلان جولدىبايەۆ