باتىس قازاقستاندا ۇستالعان لاڭكەستەر ءوزارا بايلانىستا بولماعان - ق ر ۇ ق ك

استانا. قازاقپارات - باتىس قازاقستاندا ۇستالعان راديكالدى توپ مۇشەلەرى ءوزارا بايلانىستا بولماعان. بۇل تۋرالى بۇگىن ق ر پارلامەنتىنىڭ بىرلەسكەن وتىرىسىندا ق ر ۇلتتىق قاۋىپسىزدىك كوميتەتىنىڭ باسشىسى ۆلاديمير جۇماقانوۆ ءمالىم ەتتى.

«جوق، ەشكىم جارالانعان جوق. بارلىعى قازاقستان ازاماتتارى، تانىمال ءدىني اعىمنىڭ مۇشەلەرى، ءوزارا بايلانىستارى جوق»، - دەپ اتاپ ءوتتى ۆ. جۇماقانوۆ.

 ايتا كەتەيىك، بۇنىڭ الدىندا، ۇلتتىق قاۋىپسىزدىك كوميتەتى 12-30 - تامىز ارالىعىندا اقتوبە جانە باتىس قازاقستان وبلىستارى اۋماعىندا ءۇش راديكالدى توپتىڭ ءىس- ارەكەتتەرىنە توسقاۋىل قويعانىن حابارلادى.

باتىس قازاقستان وبلىسىنىڭ 10 تۇرعىنى جانە اقتوبە وبلىسىنىڭ 11 تۇرعىنى قاماۋعا الىندى.

«ءبىز قىلمىستىق باپتار بويىنشا نەگىزسىز ادامداردى قۇرىقتامايمىز. سوندىقتان جاقىن ارادا وسى تاقىرىپقا بايلانىستى بريفينگ بولادى جانە سوندا بارلىق مالىمەتتەردى جاريا ەتەمىز دەپ سەندىرگىم كەلەدى»، - دەدى ول تىلشىلەردىڭ ساۋالىنا جاۋاپ قايىرۋ كەزىندە.

«ءبىز ادامدى بەتالدى قاماۋعا المايمىز. ەگەر ادام قاماۋعا الىنسا، دەگەنمەن ونىڭ ەشبىر ىسكە قاتىسى انىقتالماسا، ارينە ءبىز ونى بىردەن بوساتامىز. ءبىراق ءبىزدى ول ادام سوتقا بەرەتىن بولسا، سوت بارلىعىن ورىن ورنىنا قويادى»، - دەدى ۇ ق ك باسشىسى.

ق ر  ۇ ق ك ءمالىم ەتۋىنشە، ولار راديكالداردىڭ قۇقىق قورعاۋ قىزمەتكەرلەرىنە شابۋىل جاساۋدى، سونداي- اق حالىق كوپ شوعىرلاناتىن ورىنداردا تەرروريزم اكتىلەرىن ۇيىمداستىرۋدى جوسپارلاعان.

 «ەگەر ءبىز لاڭكەستىك ءۇشىن ۇستايتىن بولساق، دەمەك ولار ەلدە لاڭكەستىك اكت ۇيىمداستىرۋدى كوزدەگەن. قۇقىق قورعاۋ ورگاندارىنا، قۇقىق قورعاۋ ورگاندارىنىڭ قىزمەتكەرلەرىنە شابۋىل جاساۋعا بەكىنگەن. مەن بۇنى ناقتى ايتا الامىن»، - دەيدى ۆ. جۇماقانوۆ.

 اۆتور: جاسۇلان جولدىبايەۆ