نازاربايەۆ «استانا ەكسپو» اۋماعىنداعى كونگرەسس ورتالىقتى قاراپ شىقتى
استانا. قازاقپارات - قازاقستان پرەزيدەنتى «استانا ەكسپو-2017» كورمە كەشەنىندە بولدى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى «قازاقستان» پاۆيلونى قۇرىلىسىنىڭ بارىسىمەن، سونداي- اق كونگرەسس- ورتالىق عيماراتىمەن تانىستى.
نۇرسۇلتان نازاربايەۆ كورمەنى وتاندىق جانە شەتەلدىك عىلىم ءۇشىن قىزىعۋشىلىق تۋدىراتىن ساپالى يننوۆاتسيالىق ازىرلەمەلەر ارقىلى تولىقتىرۋدىڭ ماڭىزدىلىعىن اتاپ ءوتتى.
***
ۇلتتىق پاۆيلون ورنالاسقان شار تارىزدەس عيماراتتىڭ تاقىرىپتىق تۇجىرىمداماسى «بولاشاق ەنەرگياسىنىڭ مۇراجايى» رەتىندە كورىنىس تاپقان. عيماراتتىڭ 7- قاباتىندا ەنەرگيانىڭ نەگىزگى تۇرلەرىن تانىستىرۋ جوسپارلانۋدا.
كونگرەسس- ورتالىق حالىقارالىق كونگرەستەر، كونفەرەنسيالار، سيمپوزيۋمدار، كونسەرتتەر جانە باسقا دا ءىس- شارالار وتەتىن كوپ فۋنكتسيالى مادەني- ساۋىقتىرۋ نىسانى بولماق.
