پرەزيدەنت بالەت جانە ءبي شەبەرلەرى اراسىندا جاڭا ءداستۇردى باستاپ بەردى
«مەن اسىل تاستاردڭ ۇستىندە بيلەپ تۇرعان بالەرينانىڭ مىنا مۇسىنشەسىن تارتۋ ەتكەلى وتىرمىن. بۇل ەندى اكادەميانىڭ سيمۆولى بولسىن. جىل سايىن اكادەميادان تۇلەپ ۇشقان تۇلەكتەر جاڭادان كەلگەن ءبىرىنشى سىنىپ وقۋشىلارىنا تابىستاپ وتىرادى جانە بۇل جىلدان-جىلعا داستۇرگە اينالادى»، - دەدى پرەزيدەنت.
سونىمەن قاتار ەلباسى مۇنداي ءمۇسىندى اكادەميا الدىنا تۇرعىزۋ قاجەتتىگىن دە اتاپ ءوتتى.
«مىنا جەردىڭ كوركىن كەلتىرىپ تۇراتىن وسىنداي ۇلكەن ءمۇسىن كەرەك. بارلىعى بۇل اكادەميا قانداي اكادەميا ەكەنىن بىلەتىن بولسىن»، - دەدى مەملەكەت باسشىسى.
ايتا كەتەيىك، بۇگىن، 31- تامىزدا ق ر پرەزيدەنتى نۇرسۇلتان نازاربايەۆ استانادا قازاقستاننىڭ ۇلتتىق حورەوگرافيا اكادەمياسىنىڭ اشىلۋىنا قاتىستى. اتالمىش اكادەميا تابالدىرىعىن بۇگىن 498 تاربيەلەنۋشى العاش اتتادى.
اۆتور: جاسۇلان جولدىبايەۆ
