بۇگىن باتۋميدەن قازاقستان تۋريستەرى مىنگەن ءۇشىنشى ۇشاق ەلگە ورالادى
بۇل تۋرالى ينۆەسيتيتسياار جانە دامۋ مينيسترلىگىنەن حابارلادى.
«بۇگىن باتۋميدەن سوڭعى رەيستىڭ ۇشىپ شىعاتىندىعى تۋرالى اقپارات ءتۇستى. قالعان تۋريستەر قازىرگى ۋاقىتتا ەلگە جەتكىزىلدى. ناقتى مالىمەتتەردى قوسىمشا حابارلايتىن بولامىز»، - دەدى قازاقپارات تىلشىسىنە مينيسترلىكتىڭ «قاۋىرت» جەلىسىنەن.
ايتا كەتەيىك، بۇعان دەيىن ق ر ينۆەستيتسيالار جانە دامۋ ءمينيسترى جەڭىس قاسىمبەك گرۋزيادا قالعان قازاقستان تۋريستەرىن ەلگە جەتكىزۋ ءۇشىن بەك ەير كومپانياسى كومەك قولىن سوزعانىن ايتقان ەدى. «گرۋزياعا بارعان تۋريستەرىمىز قازاقستانعا قايتا الماي، بىرنەشە كۇننەن بەرى ابىگەرگە ءتۇستى. الاڭداپ وتىرعان جۇرتشىلىققا ايتارىم، ولار كوپ ۇزاماي ەلگە ورالادى. ءبىز قولىمىزدان كەلگەننىڭ ءبارىن جاسادىق»، - دەپ جازعان ەدى مينيستر Facebook الەۋمەتتىك جەلىسىندەگى پاراقشاسىنا.
ءۇشىنشى رەيس استانا-باتۋمي-اتىراۋ-اقتوبە-استانا باعىتىندا كەلەتىندىگى جوسپارلانعان. قازىرگى ۋاقىتتا شامامەن 200 قازاقستاندىق تۋريست گرۋزيانىڭ باتۋمي مەن رەسەيدىڭ سوچي قالاسىنان ەلگە ورالدى.
ەستەرىڭىزگە سالا كەتەيىك، ەسكە سالساق، 26- تامىزدان باستاپ 300 گە جۋىق قازاقستاندىقتار باتۋميدەن قازاقستانعا ۇشا المادى. قازاقستانعا رەيستەردى توقتاتۋ «SKYBUS» اۆياكومپانياسىنىڭ اۋە كەمەلەرىن ازىرلەۋشىلەردىڭ ۇشۋ جارامدىلىعى ديرەكتيۆىن ورىنداماۋىنا بايلانىستى قالىپتاستى. ق ر ي د م ازاماتتىق اۆياتسيا كوميتەتىنىڭ اقپاراتىنا سايكەس 4- تامىزدا «SKYBUS» ا ق ءبىرىنشى باسشىسىمەن ءماجىلىس ءوتتى. جيىن بارىسىندا 15- تامىزدا تۋريستىك فيرمالارعا قىزمەت كورسەتۋ شەشىمى قابىلداندى.
بۇدان باسقا، ااك تۇراقتى قاداعالاۋ باعدارلاماسىنىڭ اياسىندا ۇشۋ جارامدىلىعى ديرەكتيۆىن ورىنداۋ مەرزىمدەرىن ساقتاۋ بويىنشا سايكەسسىزدىك انىقتالدى. وسىعان وراي، 26 تامىزدا «SKYBUS» ا ق Bombardier CL-600-2B19 بورتتىق ءنومىرى UP-CJ009 جانە UP-CJ010) اۋە كەمەلەرىنىڭ ۇشۋ جارامدىلىعىنىڭ سەرتيفيكاتتارىن توقتاتا تۇرۋ شەشىمى قابىلداندى.
اۆتور: مارلان جيەمباي
