وشتا قوعامدىق كولىكتە قىرعىز حالىق اندەرى مەن اۋەنى ورىندالادى

استانا. قازاقپارات - وشتا قوعامدىق كولىكتە قىرعىز حالىق اندەرى مەن اۋەنى ورىندالادى.

بۇل تۋرالى جۇما كۇنى وش قالاسىنىڭ ءمەرى سالتانات امانوۆا ءمالىم ەتتى، دەپ حابارلادى كيرتاگ.

«اندەر مەن اۋەندەر قازىر ديسكىگە جازىلۋدا. ءبىر اپتا ىشىندە بارلىق جۇرگىزۋشىلەر قىرعىز اندەرى مەن اۋەندەرى جازىلعان ديسكىنى الاتىن بولادى. بۇل قىرعىزستان تاۋەلسىزدىگىنىڭ 25-جىلدىعىن مەرەكەلەۋ اياسىندا جاسالۋدا»، - دەپ مالىمدەدى س. امانوۆا.

سونداي- اق 31 -تامىزدا قالادا تەاترلاندىرىلعان كورىنىس وتەتىنى حابارلاندى. كينوتەاترلاردا از قامتىلعان وتابسىلاردىڭ بالالارىنا ارناپ تاريحي فيلمدەر كورسەتىلەدى.

2016 -جىلعى 31 -تامىزدا قىرعىز رەسپۋبليكاسىنىڭ مەملەكەتتىك تاۋەلسىزدىگىنە 25 جىل بولادى.