قازاقستان پرەزيدەنتى: دميتري بالانديننىڭ تەڭدەسسىز تابىسى قازاقستان سپورتىنىڭ شەجىرەسىندە ماڭگىلىك قالادى

«سەنىڭ جارقىن جەڭىسىڭ قازاقستاندىقتارعا زور قۋانىش سىيلادى. داڭقتى قارسىلاستارمەن جانكەشتى جانە قيىن سايىستا جەڭىپ العان التىن مەدال - سەنىڭ جوعارى شەبەرلىگىڭنىڭ، ماقساتقا تالپىنۋىڭنىڭ، ەرىك كۇشىڭ مەن قايرات- جىگەرىڭنىڭ كورسەتكىشى. سەنىڭ تەڭدەسسىز تابىسىڭ قازاقستان سپورتىنىڭ شەجىرەسىندە ماڭگىلىك قالادى»، - دەلىنگەن جەدەلحاتتا.

قازاقستان پرەزيدەنتى سپورتشىنىڭ كەلەشەكتە جاڭا بەلەستەردى باعىندىرۋىنا تىلەكتەستىك ءبىلدىردى.

ەسكە سالا كەتسەك، بۇگىن ريو- دە- جانەيروداعى وليمپيادا ويىندارىندا ەرلەر اراسىندا 200 مەتر قاشىقتىققا جۇزۋدەن فينالدىق سايىستا جەرلەسىمىز دميتري بالاندين 2:07,46 كورسەتكىشىمەن مارەگە جەتىپ، قازاقستان قورجىنىنا ريو وليمپياداسىنىڭ ەكىنشى التىن مەدالىن سالدى.

بالاندين ءجۇزۋ بويىنشا العاشقى قازاقستاندىق وليمپيادا چەمپيونى اتاندى.