ق ر ىشكى ىستەر مينيسترلىگى پوليتسەيلەرگە قانداي جاعدايدا قارۋ قولدانۋعا رۇقسات ەتىلگەنىن ءتۇسىندىردى

«قازاقستان رەسپۋبليكاسى ىشكى ىستەر ورگاندارىنىڭ قىزمەتكەرلەرى اتىس قارۋىن جانە وزگە دە قارۋدى «قۇقىق قورعاۋ قىزمەتى تۋرالى» قازاقستان رەسپۋبليكاسىنىڭ 2011 -جىلعى 6 - قاڭتارداعى زاڭىنىڭ 61-بابىنا سايكەس قولدانادى»، - دەلىنگەن «قازاقپارات» تىلشىسىنە بەرىلگەن رەسمي جاۋاپتا.
اتاپ ايتقاندا، مينيسترلىكتىڭ حابارلاۋىنشا، ىشكى ىستەر ورگاندارىنىڭ قىزمەتكەرلەرى اتىس قارۋىن جانە وزگە دە قارۋدى جەكە ادامداردىڭ ءومىرى مەن دەنساۋلىعىنا قاتەر تونگەن جاعدايدا ولاردى قىلمىستىق قول سۇعۋشىلىقتان قورعاۋ، سول سياقتى كەپىلگە الىنعانداردى بوساتۋ؛
قىزمەتكەرلەرگە جانە ولاردىڭ وتباسى مۇشەلەرىنە، قوعامدىق ءتارتىپتى قورعاۋ، قوعامدىق قاۋىپسىزدىكتى قامتاماسىز ەتۋ جانە قىلمىستىلىققا قارسى ءىس- قيمىل جاساۋ جونىندەگى قىزمەتتىك نەمەسە قوعامدىق بورىشىن اتقارىپ جۇرگەن ادامدارعا جاسالعان شابۋىلعا تويتارىس بەرۋ؛
قۇقىق قورعاۋ ورگانىنىڭ اتىس قارۋىن جانە وزگە دە قارۋدى، ارنايى كولىك قۇرالىن تارتىپ الۋ ارەكەتتەرىنىڭ جولىن كەسۋ؛
جەكە تۇلعالاردىڭ تۇرعىن ءۇي- جايلارىنا، قۇقىق قورعاۋ ورگاندارى كۇزەتەتىن وبەكتىلەرگە، مەملەكەتتىك ۇيىمداردىڭ ءۇي- جايلارىنا جاسالعان شابۋىلعا تويتارىس بەرۋ، قىزمەتتىك نەمەسە اسكەري ناريادقا جاسالعان شابۋىلعا تويتارىس بەرۋ؛
قارسىلىق كورسەتەتىن نە قىلمىس جاساۋ كەزىندە ۇستىنەن تۇسكەن، قاماۋدان قاشقان ادامداردى (اكىمشىلىك قاماقتا ۇستالاتىنداردان باسقا) ۇستاۋ، قارۋلانعان ادامداردى ۇستاۋ؛
ەگەر كولىك جۇرگىزۋشى قىزمەتكەردىڭ زاڭدى تالاپتارىنا باعىنباسا جانە جەكە ادامداردىڭ ءومىرى مەن دەنساۋلىعىنا قاتەر توندىرسە، كولىك قۇرالدارىنا اقاۋ كەلتىرۋ ارقىلى ولاردى توقتاتۋ؛
ادام ومىرىنە نەمەسە دەنساۋلىعىنا ءىس جۇزىندە قاتەر توندىرگەن جاعدايلاردا حايۋاناتتاردىڭ شابۋىلىنان قورعانۋ؛
قارۋ قولدانۋ نيەتى تۋرالى ازاماتتارعا ەسكەرتۋ، دابىل سيگنالىن بەرۋ نەمەسە كومەككە شاقىرۋ كەزىندە قولدانادى.
سونىمەن قاتار، قاجەتتى قورعانىستىڭ جانە اسا قاجەتتىلىكتىڭ بارلىق وزگە دە جاعدايلارىندا ىشكى ىستەر ورگاندارى قىزمەتكەرلەرىنىڭ اتىس قارۋىن جانە وزگە دە قارۋدى قولدانۋعا قۇقىعى بار.
«ىشكى ىستەر ورگاندارىنىڭ قىزمەتكەرلەرىنىڭ اتىس قارۋىن جانە وزگە دە قارۋدى قولدانۋعا تىيىم سالىناتىن جاعدايلار بار. بۇل رەتتە ايەلدەرگە، انىق مۇگەدەكتىك بەلگىلەرى بار ادامدارعا، جاسى بەلگىلى نەمەسە انىق بولعان كەزدە كامەلەتكە تولماعاندارعا قاتىستى، ولار قارۋلى شابۋىل جاساعان، قارۋلى قارسىلىق كورسەتكەن، ادامداردى كەپىلگە، كولىك قۇرالدارىن، ونىڭ ىشىندە اۋە كەمەسىن باسىپ العان نە توپتاسىپ شابۋىل جاساعان جاعدايلاردى قوسپاعاندا، قارۋ قولدانۋعا تىيىم سالىنادى»، - دەلىنگەن حابارلامادا.
اۆتور: جاسۇلان جولدىبايەۆ