بيىل «التىن بەلگى» يەگەرلەرىنىڭ ءبىرشاماسى مەملەكەتتىك گرانت الا المايتىن بولدى

بۇل تۋرالى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى حابارلادى.
«بيىل 2059 «التىن بەلگى» يەگەرى وقۋىن ەلىمىزدىڭ ج و و- دا جالعاستىرۋعا نيەت ءبىلدىردى. الايدا، ولاردىڭ دەنى باسەكەلەستىك دەڭگەيى جوعارى قارجى- ەكونوميكالىق نەمەسە الەۋمەتتىك- گۋمانيتارلىق باعىتتاعى ماماندىقتاردى تاڭداپ الىپ وتىر. كوپشىلىك ەلىمىزدە سوڭعى جىلدارى يندۋستريالىق- يننوۆاتسيالىق دامۋ باسىمدىقتارىنا كوپ كوڭىل ءبولىنىپ جاتقانىن ەسكەرمەي كەلەدى. بيىل دا مەملەكەتتىك گرانتتاردىڭ كوپ بولىگى اتالعان باسىمدىقتاردى جۇزەگە اسىرۋدى كوزدەپ، ەڭبەك نارىعىنىڭ قاجەتتىلىكتەرىنە باعىتتالىپ وتىر» ، - دەلىنگەن حابارلامادا.
ق ر ءبىلىم جانە عىلىم مينيسترلىگى جوعارى وقۋ ورىندارىنىڭ باسشىلىعىمەن بىرلەسىپ، مەملەكەتتىك گرانتتاردى الا الماي قالعان «التىن بەلگى» يەگەرلەرىنىڭ ىستەرىن جەكە- جەكە قاراستىرىپ، ولاردىڭ ج و و قاراجاتى ەسەبىنەن ءبىلىم الۋ مۇمكىندىگىن قاراستىرماق.
اۆتور: جاسۇلان جولدىبايەۆ