كارىم ءماسىموۆ د ارالىنداعى جۇمىس بارىسىمەن تانىستى

استانا. قازاقپارات - ق ر پرەمەر- ءمينيسترى كارىم ءماسىموۆ اتىراۋ وبلىسىنا جۇمىس ساپارى اياسىندا قاشاعان مۇناي كەن ورىندارىنداعى ءوندىرىس نىساندارىندا بولدى.
None
None

مۇناي ءوندىرىسى كولەمىن تۇراقتى ۇلعايتۋ ماسەلەسىنىڭ قازاقستان ەكونوميكاسى ءۇشىن ستراتەگيالىق ماڭىزى زور. اتاپ ايتقاندا، 14 - ماۋسىمدا وتكەن ۇكىمەت وتىرىسى كەزىندە پرەمەر- مينيستر بيىل مۇناي ءوندىرىسىن 74 ميلليون توننادان 75 ميلليون تونناعا دەيىن ارتتىرۋدى تاپسىردى، دەپ جازادى Pm.kz.

 سونىمەن قاتار ەنەرگەتيكا مينيسترلىگى مەن ق م گ الدىنا 2016 -جىلدىڭ قازان ايىنا دەيىن قاشاعاندا مۇناي ءوندىرۋدى ىسكە قوسۋ مىندەتىن قويدى.

 قاشاعاندا مۇناي ءوندىرۋ ونى قالپىنا كەلتىرۋ جۇمىستارىنا بايلانىستى توقتاتىلعان بولاتىن. جوبا 2013 -جىلدىڭ 11- قىركۇيەگىندە ىسكە قوسىلدى، سول كۇنى قاشاعاننان العاشقى مۇناي الىندى. الايدا 24 - قىركۇيەك كۇنى D ارالىنان «بولاشاق» زاۋىتىنا وتەتىن قۇبىردى جوسپارلى تەكسەرۋ كەزىندە ىلەسپە گازدىڭ اعىپ كەتكەنى انىقتالدى. وسىعان وراي قاشاعاندا مۇناي ءوندىرۋ زاقىمدالعان ۋچاسكەدە جوندەۋ جۇمىستارى اياقتالعانعا دەيىن توقتاتىلدى. جوندەۋ جۇمىستارىنان سوڭ گازدىڭ اعىپ كەتۋى تاعى انىقتالىپ، مۇناي ءوندىرىسى توقتاتىلدى. جۇمىس توبى جۇرگىزگەن تالدام كورسەتكەندەي، گازدىڭ اعىپ كەتۋىنە سۋلفيدتى قوسىندىلار اسەرىنەن قۇبىرلاردىڭ شىتىناۋى سەبەپ بولعان. بۇل ماسەلەنى شەشۋ ءۇشىن گاز جانە مۇناي قۇبىرلارىن تولىعىمەن اۋىستىرۋ قاجەت بولدى.

D ارالى اتىراۋ قالاسىنان 85 شاقىرىم قاشىقتىقتا ورنالاسقان جانە بۇگىندە ونىڭ قۇرىلىسىنا 3,5 ميلليون توننا تاس جىنىسى قولدانىلعان. ك. ءماسىموۆ بۇرعىلاۋ ۇڭعىمالارىن كورىپ، نىساندا جۇرگىزىلىپ جاتقان جۇمىستارمەن تانىستى. NCOC كومپانياسىنىڭ باسقارۋشى ديرەكتورى برۋنو جاردەن ق ر پرەمەر- مينيسترىنە كەن ورنىندا جۇرگىزىلىپ جاتقان جۇمىستار تۋرالى بايانداپ، سولتۇستىك- كاسپي جوباسىنىڭ جۇزەگە اسىرىلۋ بارىسى تۋرالى اڭگىمەلەدى.

2014 -جىلى سولتۇستىك- كاسپي جوباسىنىڭ كونسورتسيۋم مۇشەلەرى كەن ورنىندا ءبىر جەردە شوعىرلاندىرىلعان بىرلەسكەن كومپانيا جۇمىس ىستەيتىنى تۋرالى كەلىسىمگە كەلگەن بولاتىن، ول سول كەزدە جۇمىس ىستەپ تۇرعان «NCOC» وپەراتورىنىڭ اتاۋىن يەلەندى.

 ايتا كەتەيىك، سولتۇستىك كاسپي بويىنشا ءونىم ءبولىسۋ تۋرالى كەلىسىمگە (س ك و ب ك) 1997 -جىلدىڭ قاراشا ايىندا قازاقستان مەن حالىقارالىق كونسورتسيۋم قول قويدى. 1998 - جىلى اۋماعى  5600 شارشى شاقىرىم س ك و ب ك ۋچاسكەسىندە كومىرسۋتەكتەردى بارلاۋ جۇمىستارى باستالدى.

 س ك و ب ك اياسىندا 2000 - جىلى قاشاعان، 2002 - جىلى قالامقاس تەڭىزى، 2003 - جىلى اقتوتى، 2003 -جىلى قايراڭ جانە 2003 -جىلى وڭتۇستىك باتىس قاشاعان كەن ورىندارى اشىلدى.

 NCOC كومپانياسى قۇرامىنا جەتى مۇناي- گاز كومپانياسى ەنگەن كونسورتسيۋم اتىنان جوبا وپەراتورى رەتىندە جۇمىس ىستەيدى.

قاشاعان كەن ورنى كاسپي تەڭىزىنىڭ سولتۇستىك بولىگىندە قازاقستاننىڭ اۋماقتىق سۋلارىندا ورنالاسقان، ونىڭ اۋماعى شامامەن 75 شاقىرىم جانە 45 شاقىرىم. كەن ورنىنداعى مۇنايدىڭ گەولوگيالىق قورلارى 4,5 ميللياردا تونناعا جۋىق دەپ باعالانۋدا.

2000 -جىلى «ۆوستوك-1» ۇڭعىماسىن وڭدەۋدىڭ ارقاسىندا اشىلعان ءىرى قايراڭدى مۇناي- گاز كەن ورنىنا مەملەكەت ۇلكەن ءۇمىت ارتادى، سەبەبى ول سوڭعى 40 جىل ىشىندە اشىلعان الەمدەگى ەڭ ءىرى ءوندىرىس ورىندارىنىڭ ءبىرى بولىپ ەسەپتەلەدى. كەن ورنىن تولىققاندى پايدالانۋ قازاقستاننىڭ مۇناي- گاز يندۋسترياسىنداعى ءوز ۇستانىمىن جاقسارتۋعا ايتارلىقتاي سەپتىگىن تيگىزەدى دەپ كۇتىلۋدە.

سوڭعى جاڭالىقتار