نۇرسۇلتان نازاربايەۆ ينۆەستيتسيالار جانە دامۋ مينيسترىنە ءبىرقاتار تاپسىرما بەردى
بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا جەڭىس قاسىمبەك نۇرسۇلتان نازاربايەۆقا «نۇرلى جول» جانە ەلدىڭ يندۋستريالىق- يننوۆاتسيالىق دامۋ جونىندەگى مەملەكەتتىك باعدارلامالارىنىڭ ىسكە اسىرىلۋىنىڭ باستى ماسەلەلەرى، سونداي- اق مينيسترلىك قىزمەتىنىڭ الداعى كەزەڭگە ارنالعان باسىم باعىتتارى جونىندە مالىمدەدى.
مەملەكەت باسشىسى ەكونوميكانى دامىتۋ جانە ەلىمىزگە تىكەلەي شەتەل ينۆەستيتسياسىنىڭ تارتىلۋى ءۇشىن قولايلى ينۆەستيتسيالىق جاعدايلار تۋعىزۋ جونىندەگى جۇيەلى جۇمىستى جالعاستىرۋ قاجەتتىگىن اتاپ ءوتتى.
بۇدان بولەك، قازاقستان پرەزيدەنتى جول- كولىك ينفراقۇرىلىمىن دامىتۋ، سونىمەن قاتار «نۇرلى جول» باعدارلاماسى اياسىندا جاڭا جۇمىس ورىندارىن قۇرۋعا ىقپال ەتەتىن شاعىن جانە ورتا بيزنەسكە قولداۋ كورسەتۋ ماسەلەسىنە توقتالدى.
ينۆەستيتسيالار جانە دامۋ ءمينيسترى جىل سوڭىنا دەيىن 800 شاقىرىمدى قامتيتىن جاڭا جول توسەمىن پايدالانۋعا بەرۋدى جوسپارلاپ وتىرعانىن ايتتى.
2020 -جىلعا دەيىن قاشىقتىعى 7000 شاقىرىم استانا - الماتى، استانا - وسكەمەن، استانا - اقتاۋ جانە ت. ب. باعىتتار بويىنشا اۆتوجول قۇرىلىسى اياقتالاتىن بولادى.
نۇرسۇلتان نازاربايەۆ كەزدەسۋ قورىتىندىسى بويىنشا ءبىرقاتار تاپسىرما بەردى.
