الماتىدا ساۋدا ۇيىندە كەپىلگە الىنعان ادامدار تۋرالى جالعان اقپارات تاراتقان قىز كەشىرىم سۇرادى - كەسكىن
بۇعان دەيىن الماتىدا لاڭكەستىك ارەكەت بارىسىندا كوپە-كورىنەۋ جالعان اقپارات تاراتقان 1995-جىلى تۋعان قىزدىڭ ۇستالعاندىعى حابارلانعان بولاتىن.
«Instagram الەۋمەتتىك جەلىسىنە جاريالانعان اقپارات تەكسەرىلمەگەن ەدى. مەن اقىماقتىق تانىتىپ، ونى جەلىگە سالىپ جىبەردىم. جاساعان قىلىعىما قاتتى وكىنەمىن. كىنامدى مويىندايمىن. ەندى بۇل قايتالانبايدى. مەنى كەشىرىڭىزدەر»، - دەدى ول تەرگەۋ بارىسىندا.
سونداي-اق، تاعى ءبىر جالعان مالىمەت تاراتۋشى - 1993-جىلى تۋعان ازامات ۇستالدى. ول كوممۋنيكاتسيالىق جەلىلەردى پايدالانا وتىرىپ، قالانىڭ تومەنگى جاعىندا قارۋلانعان 100 ادامنىڭ ادامداردى قىرىپ جاتقانى جايىندا ادەيى جالعان اقپارات تاراتقان.
قازىر ەكەۋىنەن ق ر ق ك 274- بابىنىڭ 2- تارماعىندا كورسەتىلگەن قىلمىستار نىشانى بويىنشا سوتقا دەيىنگى تەرگەۋ اياسىندا جاۋاپ الىنىپ جاتىر. جاقىن ۋاقىتتا ءىس جۇرگىزۋ ءراسىمى بويىنشا كۇدىكتىلەرگە قاتىستى بۇلتارتپاۋ شاراسى تاعايىندالادى.
سونىمەن قاتار، پوليتسيا بولىمىندەگىلەر كوپە-كورىنەۋ جالعان اقپارات تاراتقان باسقا دا تۇلعالاردى انىقتاۋ بويىنشا جەدەل-ىزدەستىرۋ شاراسىنىڭ جالعاسىپ جاتقاندىعىن حابارلادى.
