ۇزدىك پروكۋرورلار باس پروكۋرورمەن تۇسكى اس ىشۋگە مۇمكىندىك الماق
ق ر باس پروكۋراتۋراسىنىڭ دەپارتامەنت باسشىسى ارمان اياعانوۆا «30 ۇزدىك مەملەكەتتىك ايىپتاۋشى جوباسىن تانىستىردى.
ونىڭ ۇسىنىسى بويىنشا، ەڭ اۋىر ىستەرمەن اينالىساتىن ەڭ ۇزدىك مەملەكەتتىك ايىپتاۋشىلاردىڭ ءتىزىمى جاسالۋى ءتيىس. قازىرگى ۋاقىتتا ولاردى تاڭداۋ جانە ىرىكتەۋدىڭ تەتىكتەرى دە جاسالىپ قويىپتى.
«ءار قىزمەتكەر ءوزىن ۇزدىك ەكەندىگىن دالەلدەۋى كەرەك. بىزگە سوت اكتىلەرى، ولاردىڭ باياندامالارى، ەسسەلەرى جولدانادى، سونىمەن قاتار سوت پروتسەسى بارىسىندا تۇسىرىلگەن ۆيدەوحاتتامالارمەن تانىسامىز. ىرىكتەۋدى تاۋەلسىز كوميسسيا جاساقتايتىن بولادى. ىرىكتەۋ شارالارى ءاردايىم جاسالىپ وتىرماق. ءوز كوشباسشىلىعىڭدى ءاردايىم دالەلدەپ وتىرۋ كەرەك. ىنتالاندىرۋ جۇيەسى دە جاسالادى: سىياقى، مانساپ، ماراپاتتار، باس پروكۋرورمەن تۇسكى اس»، - دەدى ول.
ونىڭ سوزىنە قاراعاندا، ەڭ ۇزدىك مەملەكەتتىك ايىپتاۋشىنى بارلىق ەل بىلەتىن بولادى، وتباسىلارى ماقتان ەتەدى.
«ونىڭ بولاشاعى جارقىن بولادى. قالاي قاتىسۋعا بولادى؟ بارلىعى ءبىزدىڭ پورتالدا ورنالاستىرىلادى. بىزگە ول نە بەرەدى؟! بىرىنشىدەن، مەملەكەتتىك ايىپتاۋشىلار ۇزدىك اتانۋعا تىرىسادى. ەكىنشىدەن، ولاردىڭ جۇمىسى جاقسارادى»، - دەدى ول.
«استاناعا، الماتىعا، باس پروكۋراتۋراعا جىبەرۋلەرىن سۇرايتىندار كوپ. ءوز مىقتىلىعىڭدى دالەلدەپ، ۇزدىك مەملەكەتتىك ايىپتاۋشىلار پۋلىنا لايىق ەكەندىكتەرىڭىزدى دالەلدەڭىزدەر. تانىس ىزدەگەنشە، ۇزدىكتەر قاتارىنا وتۋگە تىرىسىڭىزدار»، - دەدى ءوز كەزەگىندە باس پروكۋرور ج. اسانوۆ.
اۆتور: جاسۇلان جولدىبايەۆ
