پروكۋرورلاردى «ەكى العاندار» مەن «بەس العاندارعا» بولەتىن بولادى
«قىزمەتكەردىڭ ءارقايسىسى ءار ىسكە جەكە جاۋاپكەرشىلىك تانىتۋى ءتيىس. ەكى رەەستردى ەنگىزۋدەن باستايمىز. ءبىرىنشىسى - انىق بۇزۋشىلىقتار. ەكىنشىسى - وڭ تاجىريبە رەسترى. باستاما تانىتقان، ۇلگى كورسەتكەندەر - «بەس العانداردىڭ» قاتارىنا، ال مەملەكەتتىك ايىپتاۋدى ساپاسىز قورعاپ شىققان، ىسكە نەمقۇرايلىلىق تانىتقان پروكۋرورلار - «ەكى العانداردىڭ» رەسترىنە ەنگىزىلەدى. باسشىلىق تا تىس قالمايدى، ولار دا قول استىنداعى قىزمەتكەرلەرى بويىنشا باعالانادى»، - دەدى ج. اسانوۆ ۆەدومستۆونىڭ جارتىجىلدىق قورىتىندىسىن شىعارۋعا ارنالعان القا ماجىلىسىندە.
«جالاڭ ستاتيستيكاعا قىزمەت ەتۋگە ۇيرەنىپ العانبىز. سانداردىڭ ارجاعىندا ادامدار بارىن ۇمىتىپ كەتەمىز. بۇل تۇسىنىك كەڭەس زامانىنان بەرى سانادا بەكىپ قالعان. بارلىقتارىنا وسى جاعداي ىڭعايلى سياقتى. تالداۋ جاساۋعا مي اۋىرتىپ قاجەتى جوق. بارلىعىن تۇبەگەيلى وزگەرتۋ قاجەت»، - دەپ اتاپ ءوتتى باس پروكۋرور.
اۆتور: جاسۇلان جولدىبايەۆ
