نيسسادا كوز جۇمعان پاۆلودارلىقتاردىڭ دەنەسىن تاسىمالداۋعا كەتكەن بارلىق شىعىندى فرانسيالىق تاراپ وتەيدى

پاۆلودار. قازاقپارات - فرانسيانىڭ نيسسا قالاسىندا قازا تاپقان ليۋبوۆ، مارينا جانە كىشكەنتاي سيلۆيا پانچەنكولاردىڭ دەنەسىن بۇگىن پاۆلودارعا اكەلەدى، دەپ حابارلادى وبلىستىق اكىمدىكتىڭ باسپا ءسوز قىزمەتى.

قۇربانداردىڭ دەنەسىن تاسىمالداۋعا كەتكەن بارلىق شىعىندى فرانسيالىق تاراپ وتەيدى.

تۇسكى ساعات 14:00 شاماسىندا ۇشاق پاۆلودارعا قونادى، ونى قارالى كورتەج كۇتىپ الادى. جەرلەۋ ءراسىمى جۇما كۇنى ءوتۋى مۇمكىن.

پانچەنكو اۋلەتىندەگى ايەلدەردىڭ تەراكتتا قازا تابۋى پاۆلوداردا ۇلكەن رەزونانس تۋدىردى. جۇرتشىلىق ولاردىڭ مەيىربان، تاماشا جاندار بولعانىن ايتىپ، قازاعا شىنايى وكىنىشتەرىن بىلدىرۋدە.

ايتا كەتەيىك، ليۋبوۆ پانچەنكو جانە كۇيەۋى لەونيد نيسسادا تۇراتىن قىزدارى ماريناعا قوناققا بارعان. 14- شىلدە كۇنى ايەلدەر اعىلشىن جاعالاۋىنداعى وتشاشۋدى تاماشالاۋعا كەتكەن جانە ۇيگە قايتا ورالماعان.

17- شىلدە كۇنى ق ر سىرتقى ىستەر مينيسترلىگى قازاقستانددىقتاردىڭ ءولىمى تۋرالى رەسمي مالىمدەمە جاسادى.

«نيسساداعى تەراكتتا ق ر ازاماتتارى پانچەنكو ليۋبوۆ (1956)، پانچەنكو مارينا (1983)، پانچەنكو سيلۆيا (2013) جانە وتتو ناتاليانىڭ (1959) قازا تاپقانىن اسا وكىنىشپەن حابارلايمىز. تۋىستارى مەن جاقىندارىنا كوڭىل ايتامىز. قازاقستان سىرتقى ىستەر مينيسترلىگى مارقۇم تۋىستارىنا بارىنشا كومەكتەسۋگە دايىن»، - دەپ جازىلعان س ءى م تاراتقان حابارلامادا.