الماتىدا تەراكت قۇرباندارىن اقتىق ساپارعا شىعارىپ سالۋدا - فوتو
تاڭ اتىسىمەن بالۋان شولاق اتىنداعى سپورت سارايىنا مارقۇمداردىڭ تۋىستارى، جاقىندارى جانە ارىپتەستەرى جينالدى.
«ءبىز ءۇشىن ايان عاليەۆ اقكوڭىل، مەيىرىمدى جان ەدى. ءوز ءىسىنىڭ مامانى ەدى. ءبىز ءارقاشان ونى ەستە ساقتايتىن بولامىز»، - دەدى پوليتسيا مايورى ەسەنگەلدى وتەپبەرگەنوۆ.
ەسكە سالا كەتەيىك، تەرروريستىك اكت كەزىندە قۇقىق قورعاۋ ورگاندارىنىڭ ءۇش قىزمەتكەرى - 28 جاستاعى پوليتسيا كاپيتانى باۋىرجان نۇرمۇحانبەتوۆ، 24 جاستاعى پوليتسيا سەرجانتى ماقسات سالىمبايەۆ جانە 42 جاستاعى پوليتسيا ستارشيناسى ايان عاليەۆ قازا تاپقان ەدى. 19- شىلدە كۇنى پوليتسيا لەيتەنانتى، ج پ پ مامانداندىرىلعان باتالون قىزمەتىنىڭ اعا ينسپەكتورى 29 جاستاعى تيمۋر بەگاسىلوۆتىڭ اۋرۋحانادا قايتىس بولعانى بەلگىلى بولدى.
سونداي-اق بۇگىن الماتى جانە جامبىل وبلىستارىندا ماقسات سالىمبايەۆتى جانە باۋىرجان نۇرمۇحانبەتوۆتى جەرلەۋ ءراسىمى وتۋدە.
